გარემოსა და ბუნებრივი რესურსების დაცვის მინისტრი გიგლა აგულაშვილი გერმანიის საერთაშორისო თანამშრომლობის საზოგადოების (GIZ) სამხრეთ კავკასიის ოფისის დირექტორს მარტინ ჰომოლას შეხვდა.

სამინისტროს ინფორმაციით, მხარეებმა გარემოსდაცვით სფეროში ერთობლივად განხორციელებული პროექტები და სამომავლო თანამშრომლობის პრესპექტივები განიხილეს.

„საქართველოს სატყეო სექტორის რეფორმის პროგრამა“, „ კავკასიაში დაცული ტერიტორიების ხელშეწყობის პროგრამა“,  „ბიომრალავფეროვნების მდგრადი მართვა საქარველოში“,  „გარემოზე ზემოქმედების შეფასება ჰიდროელექტრო სადგურებიდან გამოწვეული კომულაციური ზემოქმედების კუთხით“, „ეროზიის ინტეგრირებული კონტროლის ღონისძიებები სამხრეთ კავკასიაში“   - ეს იმ პროექტების ჩამონათვალია, რომელსაც გარემოს დაცვის სამინისტრო გერმანიის საერთაშორისო თანამშროლობის საზოგადოების ფინანსური მხარდაჭერით ახორციელებს.

„უკვე რამდენიმე წელია გერმანიის საერთაშორისო თანამშრომლობის საზოგადოება წარმატებულად  ახორციელებს ბიომრავალფეროვნების პროექტს სამხრეთ კავკასიაში. ახლახანს დაემატა კომპონენტი - საქართველოს მთავრობის ეროვნული სატყეო პოლიტიკის მხარდასაჭერად. გასულ წელს დაიწყო ეროზიასთან ბრძოლის პროექტი. ხოლო, ეს ორივე პროექტი მიმდინარე წლის ბოლოს გაერთიანდება ერთ დიდ პროექტად სამხრეთ კავკასიის ქვეყნების ფარგლებში“, - განაცხადა მარტინ ჰომოლამ.

შეხვედრას გერმანიის საელჩოს წარმომადგენელი და გარემოსდაცვითი პროგრამების ხელმძღვანელები ესწრებოდენენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NYT: ტრამპი აპირებს, თურქეთისთვის ამერიკული F-35 გამანადგურებლების მიყიდვის ნებართვა მისცეს

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა