2017-12-23 15:39:51, 3056 ნახვა
მსოფლიო
რუმინეთის მმართველი პარტია საელჩოს იერუსალიმში გადატანის მომხრეა
რუმინეთის მმართველი პარტიის ლიდერი ლივიუ დრაგნეა, რუმინეთის საელჩოს იერუსალიმში გადატანის მომხრეა.
ინფორმაციას timesofisrael-ი ავრცელებს.
დრაგნეამ ეს განცხადება მას შემდეგ გააკეთა, რაც რუმინეთმა გაეროს გენერალურ ასამბლეაზე იერუსალიმის სტატუსის შესახებ რეზოლუციის კენჭისყრაში მონაწილეობა არ მიიღო.
“ისრაელის ყველა ცენტრალური ინსტიტუტი იერუსალიმშია, ამიტომ ელჩებს თელ-ავივიდან იერუსალიმში სიარული მუდმივად უწევთ”, – განაცხადა დრაგნეამ.
ლივიუ დრაგნეა ამჟამად რუმინეთის პარლამენტის ქვედა პალატის სპიკერის თანამდებობას იკავებს.
გაეროს გენერალურმა ასამბლეამ იერუსალიმის ისრაელის დედაქალაქად აღიარების წინააღმდეგ რეზოლუცია 128 ხმით მიიღო. 9 ქვეყანამ რეზოლუციას მხარი არ დაუჭირა.
![]()
ავტორი: ,
epn.ge (@expressnews.ge)
