იუსტიციის სამინისტროს სსიპ „დანაშაულის პრევენციის ცენტრს“ გაეროში საქართველოს ახალგაზრდობის წარმომადგენელი ლაშა შაყულაშვილი ესტუმრა.

შეხვედრას ახალგაზრდული პროგრამების მონაწილეები დაესწრნენ. სტუმარმა საკუთარი საქმიანობისა და პროფესიული წარმატების შესახებ ისაუბრა. ძირითადი დრო კი ახალ პროექტს  - Model PACE 2015 დაეთმო.

„ეს  არის უნიკალური პროექტი, რომელიც თბილისში 22-26 მაისს გაიმართება. ღონისძიების ფარგლებში საქართველოს სხვადასხვა რეგიონში მცხოვრები  ახალგაზრდები ოთხი დღის განმავლობაში ევროპის საბჭოს და ევროსაბჭოს საპარლამენტო ასამბლეის საქმიანობასთან დაკავშირებულ სხვადასხვა საკითხზე იმსჯელებენ. პროექტი აღმოსავლეთ ევროპის მასშტაბით პირველად განხორციელდება. მისი ორგანიზატორები იქნებიან გაეროში საქართველოს ახალგაზრდობის წარმომადგენელობა და მსოფლიო მშვიდობის ფედერაცია,  რომელსაც გაეროში სპეციალური საკონსულტაციო სტატუსი გააჩნია“, - აცხადებენ დანაშაულის პრევენციის ცენტრში.

ღონისძიებაში დანაშაულის პრევენციის ცენტრის ახალგაზრდული პროგრამების აქტიური მონაწილეებიც ჩაერთვებიან. როგორც ცნობილია, ლაშა შაყულაშვილი საქართველოს ახალგაზრდობის წარმომადგენლად გაეროში 2014 წელს აირჩიეს. იგი  სხვადასხვა საერთაშორისო ორგანიზაციაში 2010 წლიდან მუშაობს, ასევე აქტიურად არის ჩართული  მოხალისეობრივ საქმიანობაში.

იუსტიციის სამინისტროს დანაშაულის პრევენციის ცენტრის ახალგაზრდული პროგრამების („ლიდერთა სახლი“, „მოხალისე“, „ორი თაობა“) მიზანია სამოქალაქო და სამართლებრივი ცნობიერების ამაღლება, მოხალისეობრივი საქმიანობის წახალისება და ჯანსაღი ცხოვრების წესის პოპულარიზაცია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თურქეთში ნატოს სამიტის წინ ჟურნალისტებისა და მასწავლებლების მასობრივი დაპატიმრებები მოხდა

ერთი ზეიმი, განსხვავებული კრიტიკა: კლინტონი, ბუში და ობამა აშშ-ში დემოკრატიის კრიზისზე საუბრობენ

როიტერი: ტრამპი ზელენსკის თურქეთში ნატოს სამიტის ფარგლებში შეხვდება

საწვავის კრიზისის ფონზე, ტრანსბაიკალიის მაცხოვრებლებს ჩინეთში საწვავის შევსებას სთავაზობენ.