„ეროვნულ ბანკზე განხორციელებული  ზეწოლა საერთაშორისო სავალუტო ფონდისთვის  მიუღებელია“,-ამის შესახებ საერთაშორისო სავალუტო ფონდის  მისიის მუდმივმა წარმომადგენელმა საქართველოში აზიმ სადიკოვმა განაცხადა.

მისი თქმით, საქართველოს განვითარებისთვის ეროვნულ ბანკზე ზეწოლა კარგი არ არის. 

„რაც  ვნახეთ ბოლო კვირების განმავლობაში, ეროვნულ ბანკზე განხორციელებული ზეწოლა საქართველოსთვის კარგი არ არის და მიუღებელია. საერთაშორისო სავალუტო ფონდი მხარს უჭერს  ეროვნული ბანკის პოლიტიკას, რომ ლარის კურსი იყოს მცურავი და ეს საქართველოს ინტერესებში შედის“,-განაცხადა სადიკოვმა.

რაც შეეხება, ეროვნული ბანკის მთავარ ფუნქციას, საერთაშორის სავალუტო ფონდის მისიის მუდმივი წარმომადგენლის განცხადებით, ეს არის ფასების სტაბილურობა, ფასებისა და ფინანსური სექტორის სტაბილურობა.

„ეროვნული ბანკის მთავარი ფუნქციები განსაზღვრულია კონსტიტუციით და ეროვნული ბანკის შესახებ კანონით. ეს არის ფასების  სტაბილურობა და ეროვნული ბანკი ამას აკეთებს. მეორე ეს არის ფინანსური სექტორის სტაბილურობა და ეროვნული ბანკი ამასაც ასრულებს“,-ჰანაცხადა აზიმ სადიკოვმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა