საქართველოს ეროვნული პლატფორმისა და  მთავრობის ერთობლივ კონფერენციაზე: „საქართველო ევროკავშირის ასოცირების ამოცანები" ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ვიქტორ დოლიძემ რუსულ პროპაგანდასთან დაკავშირებითაც ისაუბრა.

მისი თქმით, საქართველო პროპაგანდას მხოლოდ ცივილური  მეთოდებით უპირისპირდება:

„რუსული პროპაგანდა საკმაოდ რთული თემა გახდა არა მხოლოდ ჩენთვის, დასავლეთ ევროპის ქვეყნებისთვისაც, ჩვენ ცივილური მეთოდებით ვიბრძვით. პროპაგანდას არასოდეს არ დავპირისპირებივართ ანტიპროპაგანდით, არ ვაპირებთ, რომ ეს გავაკეთოთ მომავალში. ჩვენ პროპაგანდას ვუპირისპირდებით ჩვენი თანამოქალაქეების ცნობიერების გაზრდით  და ამას კარგად ვუმკლავდებით“,-აღნიშნა ვიქტორ დოლიძემ.

სახელმწიფო მინისტრმა, მოქალაქეების ცნობიერების ამაღლების კონტექსტში ვიზალიბერალიზაციის პროცესი ახსენა. დოლიძის განმარტებით, საქართველოს მოქალაქეთა 95%-ზე მეტმა  ევროკავშირისა და შენგენის ზონის წევრ ქვეყნებში უვიზოდ მოგზაურობის წესები იცის. ვიქტორ დოლიძის ინფორმაციით, ვიზალიბერალიზაციის პროცესი წარმატებით მიმდინარეობს:

„ 95%-ზე მეტმა ჩვენმა თანამოქალაქეებმა იციან, როგორ უნდა იარონ უვიზოდ ევროკავშირისა და შენგენის ზონაში, 95%-ზე მეტმა ჩვენმა მოქალაქეებმა იციან, რა არ უნდა გააკეთონ, რომ ისინი არ გამოაძევონ, ან საფრთხე არ შეუქმნან  ჩვენს თანამოქალაქეებს. ძალიან კარგად მიმდინარეობს ეს პროცესი. დარწმუნებული ვარ, ვიცე-პრემიერის პორტფელის ხელში კიდევ უფრო გაძლიერდება და კიდევ უფრო მეტი ასახვა ექნება როგორც საგარეო, ისე საშინაო კომუნიკაციას ამ თვალსაზრისით“,-აღნიშნა ვიქტორ დოლიძემ.

ავტორი: ,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს