საქართველოს პარლამენტი საერთაშორისო საპარლამენტო კონფერენციას „ევროკავშირი და პარტნიორები - მრავალფეროვნება ძლიერი ერთობისთვის" მასპინძლობს.

საქართველოში ევროკავშირის ელჩმა იანოშ შერმანმა, კონფერენციის მნიშვნელობის მიზეზები განმარტა.

„დღევანდელი კონფერენცია არის ძალიან მნიშვნელოვანი მოვლენა და ამას რამდენიმე მიზეზი აქვს. ერთი მხრივ, ევროკავშირსა და საქართველოს შორის არსებობს ასოცირების შეთანხმება. ეს ურთიერთობა კიდევ უფრო განმტკიცდა აღმოსავლეთ პარტნიორობის სამიტზე. მეორე მხრივ, უკვე არსებული და განმტკიცებული ურთიერთობის პირობებში, ჩვენ უნდა ვიფიქროთ როგორ განვითარდება და გაღრმავდება ეს ურთიერთობა მომავალში. ჩვენ ვეძებთ ამ ურთიერთობის გაღრმავების დინამიურ და მოქნილ გზებს, რომელიც ხელსაყრელი იქნება ყველასთვის. ამ ჭრილში მნიშვნელოვანია მსგავსი კონფერენციების ჩატარება საქართველოში. განსაკუთრებით კი მნიშვნელოვანია, რომ მას ესწრება მრავალფეროვანი და წარმომადგენლობითი საერთაშორისო საზოგადოება. ჩვენ დიდი ინტერესით მივადევნებთ თვალს, მომავალი ორი დღის მანძილზე ამ კონფერენციის შედეგებს. დარწმუნებული ვარ, რომ საქართველოსთვის ის ძალიან მნიშვნელოვანი იქნება", - აღნიშნა იანოშ შერმანმა.   

ავტორი: ,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს