„საქართველო იმკვიდრებს ადგილს, როგორც ლიდერი რეგიონში თანამშრომლობის ახალი შესაძლებლობის აღმოჩენის კუთხით“, - ასე გამოეხმაურა საქართველოს საგარეო საქმეთა მინისტრი, მიხეილ ჯანელიძე თბილისში მიმდინარე „აბრეშუმის გზის“ ფორუმს.

მისი თქმით, წინა ფორუმთან შედარებით, წელს ფორუმის მონაწილეთა რაოდენობა გაორმაგებულია, რაც რეგიონში საქართველოს მზარდ როლს უსვამს ხაზს.

„ფორუმის მონაწილეთა რაოდენობა, წინა ფორუმთან შედარებით, გაორმაგებულია. ეს ხაზს უსვამს საქართველოს მზარდ როლს რეგიონში, როგორც სანტრანსპორტო-სავაჭრო ლოგისტიკური ჰაბის ფუნქციის მატარებლის. საქართველო ხელს უწყობს გლობალური პროექტების და სტრატეგიული მნიშველობის ინიციატივების განვითარებას. საქართველო  დღეს არის ლიდერი არა მხოლოდ ევროპული ტრანსფორმაციის მიმართულებით, რომელიც დადასტურდა აღმოსავლეთ პარტნიორობის სამიტზე, არამედ, საქართველო იმკვიდრებს ადგილს, როგორც ლიდერი რეგიონში თანამშრომლობის ახალი შესაძლებლობის აღმოჩენის კუთხით. ძალიან ბევრი გამოწვევაა დღეს მსოფლიოს მასშტაბით, მათ შორის ევროპის და აზის კონტინენტზე. ჩვენი მიზანია, რომ  მეტი თანამშრომლობის შესაძლებლობები გვქონდეს, რომელიც ხელს შეუწყობს მშვიდობას, სტბილურობას, განვითარებას და საქართველო დაიმკვიდრებს თავის ადგილს, როგორც მნიშვნელოვანი სანდო პარტნიორი ამ თანამშრომლობაში“, - განაცხადა მინისტრმა.

ცნობისთვის, თბილისის აბრეშუმის გზის ფორუმი საქართველოს პრემიერმინისტრის, გიორგი კვირიკაშვილის პატრონაჟით ტარდება. 2017 წლის ფორუმი  2015 წლის ფორუმის გაგრძელებაა და წარმოადგენს მაღალი დონის სამთავრობო და ბიზნესთან დიალოგის და სახელმწიფოების, ორგანიზაციებს შორის ორმხრივი და მრავალხმრივი შეხვედების პლატფორმას. აბრეშუმის გზის ფორუზმე დასასწრებად თბილისში 34 ოფიციალური დელეგაცია 60-მდე ქვეყანიდან 2000-მდე დელეგატით ჩამოვიდა.  

ავტორი: ,

სოციალური ქსელები

კარგი იდეა მხოლოდ დასაწყისია, შეცდომების მიუხედავად არ გაჩერდე – ფოქსი ელენიკო 19 წლის საკუთარ თავს მიმართავს

ქართული ბენტონიტი მსოფლიო ბაზარზე - „ასკანგელ ალიანსი“ ინდუსტრიას თიბისისთან ერთად ავითარებს

სრული სვლით საგანძურისკენ - 200 000 მოთამაშე, 40 გამარჯვებული და ბევრი თავგადასავალი თიბისის მობაილბანკში

კობახიძე: ეუთო-ს საპარლამენტო ასამბლეა ჯო უილსონის დონემდე დავიდა, ტრაგიკული მოვლენაა