საქართველოს თავდაცვის მინისტრის პირველმა მოადგილემ ლელა ჩიქოვანმა ესპანეთის სამეფოს თავდაცვის ატაშეს, პოლკოვნიკ ცეზარ გუტიერეს დე ლა კამარა არას უმასპინძლა.

თავდაცვის სამინისტროს ინფორმაციით, გაცნობითი ხასიათის შეხვედრაზე ლელა ჩიქოვანმა ესპანელ დიპლომატს თანამდებობაზე დანიშვნა მიულოცა და წარმატებები უსურვა.

 მან ესპანეთის თავდაცვის ატაშეს თავდაცვის უწყებაში განხორციელებული და მიმდინარე რეფორმები გააცნო.

საუბარი საქართველოსა და რეგიონის უსაფრთხოების გარემოს შეეხო.

ხაზგასმით აღინიშნა საერთაშორისო უსაფრთხოების უზრუნველყოფის საქმეში საქართველოს წვლილი.

თავდაცვის მინისტრის პირველმა მოადგილემ პოლკოვნიკ ცეზარ გუტიერეს დე ლა კამარა არას საქართველოს ევროატლანტიკური მისწრაფებების მხარდაჭერისათვის მადლობა გადაუხადა და ნატო-საქართველოს არსებითი პაკეტის (SNGP) განხორციელებაში ესპანელი ექსპერტის ჩართულობის მნიშვნელობაზე ისაუბრა.

შეხვედრაზე მხარეებმა ორ ქვეყანას შორის თავდაცვის სფეროში სამომავლო თანამშრომლობის პერსპექტივები განიხილეს.

შეხვედრას თავდაცვის სამინისტროსა და საქართველოში ესპანეთის საელჩოს ოფიციალური წარმომადგენლები დაესწრნენ.

(NS) 

ავტორი: ,

სოციალური ქსელები

სკოლებში ქიმიის სწავლება მე-7 კლასიდან დაიწყება, გაიყოფა ქართული ენისა და ლიტერატურის საგანი

ერდოღანი და ტრამპი უკრაინასთან დაკავშირებით თურქეთის ინიციატივებს განიხილავენ

მთავრობამ კვების ობიექტებისთვის პლასტმასის ერთჯერადი კონტეინერებისა და ჭიქებით სურსათის მიწოდების აკრძალვის ამოქმედება გადაავადა

ანაკლიის პორტს სახელმწიფო ააშენებს - მთავრობამ პროექტის მოდელი შეცვალა