„ვისურვებდი, რომ საქართველოს პრეზიდენტიც ისეთი იყოს ქვეყნისთვის, როგორიც პუტინია რუსეთისთვის“,-ამის შესახებ „დემოკრატიული მოძრაობა-საქართველოს“ ლიდერმა ნინო ბურჯანაძემ   "Deutsche Welle"-სთვის მიცემულ ინტერვიუში განაცხადა.

მისივე თქმით, ეჭვი არ ეპარება, რომ რუსეთის საპრეზიდენტო არჩევნებში ვლადიმერ პუტინი გაიმარჯვებს. ნინო ბურჯანაძე მიიჩნევს, რომ ვლადიმერ პუტინმა რუსეთისთვის ბევრი რამ გააკეთა:

„ ეჭვი არ მეპარება, რომ ვლადიმერ პუტინი არჩევნებში გაიმარჯვებს, რადგან მას ხალხი ნამდვილად უჭერს მხარს. რა არჩევნებიც არ უნდა გაიმართოს, დარწმუნებული ვარ, მხარს დაუჭერენ, ეს რუსი ხალხის გადასაწყვეტია, მაგრამ მიმაჩნია, რომ რუსეთისათვის კარგი იქნება, თუ პუტინი არჩევნებს მოიგებს, რადგან ძალიან ბევრი გააკეთა ქვეყნისთვის, ფეხზე დააყენა, შეხედეთ, როგორი იყო რუსეთი 10-15 წლის წინ და როგორია დღეს. გულახდილად გეტყვით, ვისურვებდი, რომ საქართველოს პრეზიდენტიც ისეთი იყოს ქვეყნისთვის, როგორიც პუტინია რუსეთისთვის. ქართველ ხალხს სჭირდება ეფექტური პრეზიდენტი, რომელიც ქვეყანას ნორმალურად გაუძღვება და დაიცავს მის ინტერესებს. არ ვამბობ, რომ პუტინი იდეალური ადამიანია, ან იდეალური პრეზიდენტი, ასეთები არ არსებობენ, ვამბობ იმას, რომ გვჭირდება ეფექტური პრეზიდენტი“,-აღნიშნა ნინო ბურჯანაძემ.

 რუსეთის საპრეზიდენტო არჩევნები 2018 წლის მარტში გაიმართება.

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს