ევროსაბჭოს საპარლამენტო ასამბლეის პრეზიდენტად სტელა კირიაკიდესი აირჩიეს

2017-10-10 19:21:11, 2410 ნახვა

მსოფლიო

ევროპის საბჭოს საპარლამენტო ასამბლეის პრეზიდენტად სტელა კირიაკიდესი აირჩიეს, - ამის შესახებ ინფორმაცია ასამბლეის ოფიციალურ ვებგვერდზე გამოქვეყნდა.

კარიაკიდესს 132 დეპუტატმა დაუჭირა მხარი. მისი მოწინააღმდეგე ლიტველი ემანუელ ზინგერსი იყო.

კვიპროსელი პოლიტიკოსი ევროსაბჭოს საპარლამენტო ასამბლეას 2018 წლის იანვრამდე უხელმძღვანელებს.

"დღეს თქვენ ნდობა გამომიცხადეთ და მომეცით შესაძლებლობა დემოკრატიაში, ადამიანის უფლებებში და კანონის უზენაესობაში ჩემი წვლილი შემეტანა. მომდევნო თვეებში ჩემი მთავარი ამოცანა იქნება ერთობა, კონსენსუსი და სიმშვიდე მსოფლიოში. ვაპირებ კორუფციის წინააღმდეგ ბრძოლას", - განაცხადა კარიაკიდისმა არჩევის შემდეგ.

აღსანიშნავია, რომ კარიაკისი რიგით მესამე ქალია, ვინც ევროსაბჭოს საპარლამენტო ასამბლეის თავჯდომარის პოსტს დაიკავებს.

ცნობისთვის, ევროპის საბჭოს საპარლამენტო ასამბლეის პარლამენტარები ევროსაბჭოს 47 ქვეყნის ეროვნული პარლამენტების წევრები არიან. ისინი იკრიბებიან წელიწადში ოთხჯერ ყველაზე მნიშვნელოვანი საკითხების განსახილველად.

შეგახსენებთ, რომ ევროპის საბჭოს საპარლამენტო ასამბლეის პრეზიდენტი პედრო აგრამუნტი თანამდებობიდან 6 ოქტომბერს გადადგა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები