საფრანგეთში საყოველთაო გაფიცვის გამო, ავიარეისების 30% გაუქმდა

2017-10-10 16:29:12, 2402 ნახვა

მსოფლიო

საფრანგეთში საყოველთაო გაფიცვის გამო ავიარეისების 30% გაუქმდა, - ამის შესახებ TheLocal.fr იუწყება.

მედია საშუალების ინფორმაციით, რეისები პარიზის, ლიონის, ნიცის, მარსელის, ტულუზის, ბორდოს და ნანტის აეროპორტებშია გაუქმებული.

როგორც მედია წერს, დღეს საფრანგეთში რამდენიმე პროფკავშირის ორგანიზებით მასშტაბური გაფიცვა დაიწყო. გაფიცვაში საჯარო სამსახურების თანამშრომლები - მასწავლებლები, ექიმები, სამოქალაქო ავიაციის თანამშრომლები მონაწილეობენ. გაფიცვის მონაწილეები მთავრობის მიერ გატარებულ სოციალურ პოლიტიკას აპროტესტებენ. საუბარია სამუშაო ადგილების და შემწეობების შემცირებაზე.

ცნობისთვის, საფრანგეთში ავიარეისები უკვე მესამედ გაუქმდა.

ამასთან, რამდენიმე ავია კომპანიამ გაავრცელა განცხადება, რომელშიც წერია თუ როგორ განხორციელდება გადადებული რეისები უახლოეს დღეებში.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები