ამერიკის შეერთებული შტატების პრეზიდენტი დონალდ ტრამპი ლას-ვეგასში განვითარებულ მოვლენებს გამოეხმაურა.

ტრამპმა თავდამსხმელ სტივენ პედოკს, შეშლილი და ავადმყოფი ადამიანი უწოდა.

"ლას-ვეგასში მომხდარი საზარელი თავდასხმის განმხორციელებელი, 64 წლის სტივენ პედოკი იყო ავადმყოფი, შეშლილი ადამიანი. ვფიქრობ, მას ბევრი პრობლემა ჰქონდა, ჩვენ ახლა მის წარსულს ვსწავლობთ“, - განაცხადა ტრამპმა.

დონალდ ტრამპს შეკითხვა იარაღის კონტროლზეც დაუსვეს.

ტრამპის თქმით,  დროთა განმავლობაში, ამერიკის მთავრობა განიხილავს ამ საკითხს, თუმცა დამატებით დეტალებზე საუბრისგან მან თავი შეიკავა.

შეგახსენებთ, რომ 2 ოქტომბერს ლას-ვეგასში, მუსიკალურ ფესტივალზე სროლა იყო, რის შედეგადაც 59 ადამიანი დაიღუპა, 527 კი, დაშავდა. 64 წლის სტივენ პედოკმა სასტუმროს ნომრიდან ფესტივალზე შეკრებილ მოსახლეობას ცეცხლი გაუხსნა. თავდამსხმელი ლიკვიდირებულია. მისი სახლის ჩხრეკისას პოლიციამ 42 ერთეული იარაღი აღმოაჩინა. მოგვიანებით მომხდარზე პასუხისმგებლობა "ისლამურმა სახელმწიფომ" აიღო. ტერორისტების თქმით, პედოკი მათი "ჯარისკაცია", რომელიც დაჯგუფებაში რამდენიმე თვის წინ გაწევრიანდა. თუმცა, პოლიცია ამ ინფომრაციას არ ადასტურებს, პედოკსა და ტერორისტებს შორის კავშირის არ არსებობის გამო.

ავტორი: ,

სოციალური ქსელები

რიკოთზე ავარიას 2 ადამიანი ემსხვერპლა, დაშავდა ბავშვი

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება