კატალონიაში საყოველთაო ეროვნული გაფიცვა დაიწყო, - ამის შესახებ BBC იუწყება.

მედია საშუალების ინფორმაციით, გაფიცვის ორგანიზატორები პროფკავშირები არიან.

მედიის ცნობით, გაფიცვის შედეგად რეგიონის მასშტაბით მეტროპოლიტენი, ავტობუსები და რკინიგზა მგზავრებს მხოლოდ პიკის საათებში მოემსახურება.

გარდა ამისა, რამდენიმე ქალაქში აქცია მოეწყო. ათასობით ადამიანი პოლიციის შენობებთან მივიდა. მათ სამართალდამცველების ქმედებები, კვირას გამართულ ე.წ. რეფერენდუმზე გააპროტესტეს.

როგორც მედია იტყობინება, გაფიცვის ფარგლებში მოსახლეობა, გზების დაბლოკვა დაიწყო. ამ დროისთვის, უკვე 12 გზაა დაბლოკილი.

შეგახსენებთ, რომ კატალონიაში ე.წ. რეფერენდუმი კვირას, 1 ოქტომბერს ჩატარდა. მასში მონაწილეობა 2 მილიონზე მეტმა ადამიანმა მიიღო. წინასწარი მონაცემებით, ესპანეთიდან გამოყოფას ამომრჩევლების 90%-მა დაუჭირა მხარი. ამასთან, ე.წ. რეფერენდუმი დაძაბულ ვითარებაში, შეტაკებების ფონზე წარიმართა. მომხდარი შეტაკების შედეგად, დაშავებულთა რიცხვი 893 შეადგენს, მათ შორის არიან სამართალდამცველებიც. კატალონიის რეგიონალურმა ხელისუფლებამ 2,300 საარჩევნო უბნის გახსნა მოახერხა, საიდანაც პოლიციამ 400-მდე საარჩევნო უბანი დახურა. ოფიციალური მადრიდი, ისევე როგორც ევროკავშირი პლებისციტს არ აღიარებენ და არაკანონიერს უწოდებენ.

ავტორი: ,

სოციალური ქსელები

რიკოთზე ავარიას 2 ადამიანი ემსხვერპლა, დაშავდა ბავშვი

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება