დიდი ბრიტანეთი კატალონიაში დამოუკიდებლობის შესახებ ჩატარებულ რეფერენდუმს არ აღიარებს, - ამის შესახებ ქვეყნის საგარეო საქმეთა მინისტრმა ბორის ჯონსონმა განაცხადა. ინფორმაციას Reuters ავრცელებს.

როგორც ჯონსონმა აღნიშნა, ბრიტანეტი ესპანეთის ერთიანობას უჭერს მხარს.

"ბრიტანეთი შეწუხებულია ძალადობრივი რეფერენდუმით, რომელსაც ესპანეთი არ ცნობს და რომელსაც არაკონსტიტუციურად მივიჩნევთ", - განაცხადა ჯონსონმა.

ამასთან, როგორც მან მოგვიანებით Twitter-ის საკუთარ გვერდზე დაწერა, მნიშვნელოვანია, რომ დაცული იყოს ესპანეთის კონსტიტუცია და კანონის უზენაესობა.

"კატალონიაში რეფერენდუმი ესპანეთის ხელისუფლებისა და ხალხის საქმეა. ესპანეთი ჩვენი უახლოესი მოკავშირე და მეგობარია, რომლის ძალა და ერთიანობა მნიშვნელოვანია ბრიტანეთისთვის", - დაწერა ბრიტანეთის საგარეო საქმეთა მინისტრმა.

შეგახსენებთ, რომ 1 ოქტომბერს კატალონიაში დამოუკიდებლობისადმი მიძღვნილი რეფერენდუმი ჩატარდა.  მანამდე კი, ესპანეთის საკონსტიტუციო სასამართლომ  შეაჩერა კატალონიის პარლამენტის მიერ მიღებული დადგენილება,  დამოუკიდებლობის შესახებ რეფერენდუმის ჩატარების თაობაზე. რეფერენდუმის ჩატარების დროს კატალონიის მკვიდრებსა და სამართალდამცველებს შორის შეტაკებები მოხდა, რის შედეგადაც 761 ადამიანი დაშავდა. პოლიციამ ბარსელონაში გამართული აქციების დასაშლელად, რეზინის ტყვიებიც გამოიყენა. კატალონიის რეგიონალურმა ხელისუფლებამ 2,300 საარჩევნო უბნის გახსნა მოახერხა საიდანაც პოლიციამ 400-მდე საარჩევნო უბანი დახურა.

ავტორი: ,

სოციალური ქსელები

რიკოთზე ავარიას 2 ადამიანი ემსხვერპლა, დაშავდა ბავშვი

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება