„ქართული ოცნება  – დემოკრატიული საქართველოს“ ვაკის მაჟორიტარობის კანდიდატი გიორგი ბირბიჩაძე მოსახლეობასთან შეხვედრებს განაგრძობს.

გიორგი ბირბიჩაძე დღეს ვაჟა–ფშაველას I კვარტალში იმყოფებოდა, სადაც ადგილობრივ მცხოვრებლებთან ერთად რაიონში არსებულ სოციალურ, ეკოლოგიურ და ეკონომიკურ მდგომარეობაზე, არსებულ გამოწვევებსა და მათი დაძლევის გზებზე ისაუბრა.

მაჟორიტარობის კანდიდატმა აღნიშნა, რომ არაერთი წარმატებული პროექტისა და პროგრამის განხორციელების მიუხედავად, ვაკის რაიონში გარკვეული საკითხები მაინც რჩება მოსაგვარებელი, რაც დროულ და ეფექტიან რეაგირებას საჭიროებს.

მისივე თქმით, „ქართული ოცნება  – დემოკრატიული საქართველოს“ თბილისის მერობის კანდიდატის, კახი კალაძის პროგრამული ხედვა სწორედ ამ გამოწვევებს პასუხობს და წარმოდგენილი პროგრამული ხედვის 7 ძირითადი მიმართულება ქალაქის საჭიროებების სიღრმისეული ანალიზით არის შედგენილი.

მაჟორიტარობის კანდიდატმა მოსახლეობასთან შეხვედრისას სამომავლო გეგმებზეც ისაუბრა და 2017 წლის ადგილობრივი თვითმმართველობის არჩევნებში ვაკის რაიონის მცხოვრებლებს აქტიურობისკენ მოუწოდა.

„ადგილობრივი თვითმმართველობა, სწორედ, ადგილობრივ მცხოვრებთა ჩართულობითა და მონაწილეობით ქალაქის მართვას გულისხმობს, შესაბამისად, მოქალაქეების როლი ამ ყველაფერში დიდია. უპირველესი კი, რაც მომავალში ქალაქის სწორი და თანმიმდევრული განვითარებისთვისაა მნიშვნელოვანი - 2017 წლის ადგილობრივი თვითმმართველობის არჩევნებზე მისვლა და სწორი არჩევანის დაფიქსირებაა“, – აღნიშნა გიორგი ბირბიჩაძემ ვაჟა–ფშაველას I კვარტალში გამართული შეხვედრისას.

ვაკის მაჟორიტარობის კანდიდატის თქმით, ვაჟა–ფშაველას მცხოვრებთათვის ერთ–ერთ მთავარ გამოწვევად სანიაღვრე ქსელების მოწყობა–მოწესრიგება რჩება, რაც უმოკლეს ვადაში უნდა მოგვარდეს. 

(NS)

ავტორი: ,

სოციალური ქსელები

რიკოთზე ავარიას 2 ადამიანი ემსხვერპლა, დაშავდა ბავშვი

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება