პარლამენტის ვიცე-სპიკერის თამარ ჩუგოშვილის განცხადებით, საკონსტიტუციო ცვლილებების მესამე მოსმენით დამტკიცებამდე პარლამენტი ვენეციის კომისიის შუალედურ რეკომენდაციებს მიიღებს.

როგორც ჩუგოშვილმა აღნიშნა, ვენეციის კომისიის დასკვნის წინასწარი ვერსიის გამოქვეყნების შემდეგ საჯარო დისკუსიები გაიმართება.

"ჩვენ გვაქვს კომუნიკაცია ვენეციის კომისიასთან. მათთვის ცნობილია, რომ სექტემბრის ბოლოსათვის იგეგმება ცვლილებების  მესამე მოსმენით კენჭისყრა. ჩვენ გვაქვს შეთანხმება - კომისიას მიღებული აქვს მეორე მოსმენით მიღებული ტექსტი ცვლილებებისა და მესამე მოსმენამდე ჩვენ მივიღებთ ვენეციის კომისიის დასკვნის წინასწარ ვერსიას. ეს ვერსია გახდება საჯარო და შესაბამისად ვიდრე საქართველოს პარლამენტში მესამე მოსმენით განხილული იქნება დოკუმენტი, ჩვენ გვექნება საჯარო დისკუსია და განხილვები ამ მოსაზრებების. რეგლამენტი რის შესაძლებლობასაც მოგვცემს, ანუ მესამე მოსმენით რა ცვლილებების შეტანაც შეიძლება დოკუმენტში, ამ ტიპის რეკომენდაციები იქნება გათვალისწინებული მესამე მოსმენის ეტაპზე“,- აღნიშნა ჩუგოშვილმა.

ჩუგოშვილის თქმით, ვენეციის კომისიის ძირითადი დასკვნა ცალსახად პოზიტიურია.

„გათვალისწინებას რაც შეეხება, ჩვენ ვიმოქმედებთ რეგლამენტით გათვალისწინებული მანდატით",- განაცხადა თამარ ჩუგოშვილმა.

ავტორი: ,

სოციალური ქსელები

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება

HRW საქართველოში არასამთავრობო ორგანიზაციების მდგომარეობაზე ანგარიშს აქვეყნებს

უკრაინამ ბოლო 4 დღეში აზოვის ზღვაში 35 რუსულ ტანკერს დაარტყა