ჩრდილოეთ კორეამ მორიგი ბალისტიკური რაკეტა გაუშვა - „კიმ ჩენ ინს მეტი საქმე არ აქვს?! ჩინეთი ამ აბსურდს ბოლოს მოუღებს“

2017-07-04 11:26:19, 2811 ნახვა

მსოფლიო

ჩრდილოეთ კორეამ საშუალო მოქმედების რადიუსის მქონე მორიგი ბალისტიკური რაკეტა გაუშვა, - ამის შესახებ BBC იუწყება.

მედია საშუალების ინფორმაციით, რაკეტა ნახევარკუნძულის დასავლეთ სანაპიროდან გაუშვეს, მან 37წუთი იფრინა, რა დროსაც 900 კილომეტრის მანძილი დაფარა და იაპონიის ზღვაში, ეკონომიკურ ზონაში ჩამოვარდა.

როგორც მედია წერს, ოფიციალური ტოკიო მომხდარს გაერო-ს უშიშროების რეზოლუციის დარღვევად მიიჩნევს. ფხენიანის ქმედებას სოციალურ ქსელში შეერთებული შტატების პრეზიდენტი დონალდ ტრამპი გამოეხმაურა და აღნიშნა, რომ ჩრდილოეთ კორეის მიერ განხორციელებულ გამოცდებს სეული, ტოკიო და პეკინი აღარ შეურიგდებიან.

"ამ ბიჭს (კიმ ჩენ ინს) მეტი საქმე არ აქვს?! სავარაუდოდ ჩინეთი სერიოზულ ნაბიჯს გადადგამს და ამ აბსურდს ბოლოს მოუღებს", - დაწერა ტრამპმა Twitter-ში.

ცნობისთვის, მიმდინარე წლის განმავლობაში ჩრდილოეთ კორეამ უკვე 11 რაკეტა გაუშვა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან