2017-07-03 20:12:59, 2951 ნახვა
მსოფლიო
თურქეთის კუთვნილ სატვირთო გემს საბერძნეთის სანაპირო დაცვამ ცეცხლი გაუხსნა
თურქეთის დროშის ქვეშ მცურავ სატვირთო გემს ეგეოსის ზღვაში საბერძნეთის სანაპირო დაცვამ ცეცხლი გაუხსნა, - ინფორმაციას RT ავრცელებს.
მედია საშუალების ინფორმაციით, თურქულ სატვირთო გემს სახელწოდებით „ACT“ ისკენდერუნის პორტიდან მარმარილოს ზღვის მიმართულებით ტვირთი გადაჰქონდა, როდესაც ტვირთის ბერძნულმა ინსპექციამ გააჩერა და გემის შემოწმება მოსთხოვა.
თურქული მხარისგან უარის შემდეგ, ინსპექციის გემმა ცეცხლი გახსნა.
საბერძნეთის ხელისუფლების განცხადებით, თურქული გემი საბერძნეთის საზღვაო ზოლში იმყოფებოდა და დაუმორჩილებლობის გამო, გამაფრთხილებელი გასროლა განხორციელდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
