მამა გიორგი მამალაძის ადვოკატის, გიორგი ფანცულაიას განცხადებით, ბრალდების მხარის ერთ-ერთმა მთავარმა მოწმემ ლილი გელაშვილმა დაკითხვისას აღნიშნა, რომ არ იცის, ამზადებდა თუ არა დეკანოზი შორენა თეთრუაშვილის მკვლელობას.

ამასთან, ფანცულაიას განმარტებით, ლილი გელაშვილმა მის კითხვას - „როდესაც ურჩიეთ ირაკლი მამალაძეს მიემართა პროკურატურისთვის, ხომ არ გქონდათ ეჭვი, რომ შორენა თეთრუაშვილის მიმართა რაიმე მზადდებოდა“, უპასუხა, რომ მსგავსი ეჭვი არ ჰქონია.

„ლილი გელაშვილმა გაიმეორა ის, რასაც ვამბობდით. ჩემს კითხვაზე, ამზადებდა თუ არა შორენა თეთრუაშვილის მკვლელობას შორენა მამალაძე, მისი პასუხი იყო „არ ვიცი“. ასევე, კითხვაზე - „როცა ურჩიეთ ირაკლი მამალაძეს მიმართა პროკურატურისთვის, ხომ არ გქონდათ ეჭვი, რომ შესაძლოა შორენას მიმართ რაიმე მზადდებოდა“, მითხრა, რომ მსგავსი ეჭვი არ ჰქონია. კიდევ უფრო მეტი კითხვაც დავუსვით, მაგალითად გადაამოწმეთ თუ არა როდესაც პროკურატურისთვის მიამართინეთ მას ციანიდი რისთვის სჭირდებოდა, თქვა, რომ არ გადაუმოწმებია“, - აღნიშნა გიორგი ფანცულაიამ და დასძინა, რომ ბრალდება, რომელიც მამა გიორგი მამალაძის მიმართ არის წარდგენილი, არათუ დამტკიცდა, არამედ შესუსტდა", - აღნიშნა ფანცულაიამ და დასძინა, რომ შორენა თეთრუაშვილის მკვლელობის მომზადების ფაქტი არ დასტურდება.

გარდა ამისა, გიორგი ფანცულაიას თქმით, დღევანდელ სასამართლო პროცესზე დაიკითხნენ ირაკლი მამალაძის მეგობრებიც, რომლებიც წინასწარი გამოძიების ჩვენებაში საუბრობენ, მასთან ახლო ურთიერთობაზე და კარგად ახასიათებენ მას, „თუმცა კითხვების დასმისას აღმოჩნდა, რომ ირაკლი მამალაძის თაობაზე ელემენტარული რაღაცები არ იცოდნენ“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა