ნარკოტიკული საშუალებების, მისი ანალოგის, პრეკურსორის ან ახალი ფსიქოატიური ნივთიერებების უკანონო დამზადება, წარმოება, შეძენა, შენახვა და გადაზიდვა მათი უკანონო გასაღებისგან გაიმიჯნება. 

ცვლილებას „სისხლის სამართლის კოდექსი“ ითვალისწინებს, რომელიც პალამენტშია უკვე ინიცირებული.
შესაბამისად, პროექტის თანახმად, ნარკოტიკული საშუალების, მისი ანალოგის ან პრეკურსორის უკანონო დამზადება, წარმოება, შენახვა, გადაზიდვა ან გადაგზავნაზე სასჯელის ზედა ზღვარი შემცირდება და 11 წლის ნაცვლად, 6 წლით თავისუფლების აღკვეთით განისაზღვრება. 

ახალი ფსიქოაქტიური ნივთიერების უკანონო დამზადება, წარმოება, შეძენა, შენახვა, გადაზიდვა ან გადაგზავნა  კვლავ 5 წლამდე თავისუფლების აღკვეთით დაისჯება. 

თუ ეს ქმედებები,  ჩადენილი იქნება:  დიდი ოდენობით, წინასწარი შეთანხმებით ჯგუფის მიერ, სამსახურეობრივი მდგომარეობის გამოყენებით, არაერთგზის, ან განმეორებით, დამნაშავე ნაცვლად შვიდიდან თოთხმეტ წლამდე, დაისჯება თავისუფლების აღკვეთით ხუთიდან რვა წლამდე. 

ხოლო, ნარკოტიკული საშუალების, მისი ანალოგის, პრეკურსორის ან ახალი ფსიქოაქტიური ნივთიერების უკანონო გასაღება დაისჯება თავისუფლების აღკვეთით ვადით ექვსიდან თერთმეტ წლამდე. 

ამ ნივთიერებების დიდი რაოდენობით გასაღების შემთხვევაში, ან თუ ეს ქმედება ჩადენილი იქნება წინასწარი შეთანხმებით ჯგუფის მიერ, სამსახურეობრივი მდგომარეობის გამოყენებით, არაერთგზის, ან მის მიერ, ვისაც მსგავსი ქმედებები წინათ აქვს  ჩადენილი, დაისჯება თავისუფლების აღკვეთით ვადით შვიდიდან თოთხმეტ წლამდე. 

ამასთან, კანონპროექტის თანახმად,  ნარკოტიკული საშუალებების, მისი ანალოგის, პრეკურსორის ან ახალი ფსიქოატიური ნივთიერებების განსაკუთრებული დიდი ოდენობით დამზადება, წარმოება, შეძენა, შენახვა, გადაზიდვა და გასაღების შემთხვევაში, ან თუ დანაშაული ჩადენილი იქნება ორგანიზებული ჯგუფის მიერ, ისჯება თავისუფლების აღკვეთით ვადით რვიდან ოც წლამდე, ან უვადო თავისუფლების აღკვეთით.

ამ შემთხვევაში, ნარკოტიკული და მისი მსგავსი ნივთიერებების უკანონო გასაღების და უკანონო დამზადება, წარმოება, შეძენა, შენახვა, გადაზიდვა ან გადაგზავნის გამოჯვნა აღარ მოხდა. რადგან, როგორც განმარტებით ბარათშია აღნიშნული,  „განსაკუთრებით დიდი ოდენობა“ ის ოდენობაა, რომელიც საკმარისზე მეტია მოხმარებისთვის, ხოლო საკმარისი ოდენობაა მისი უკანონო გასაღებისთვის. 

კანონპროექტის ინიციატორია საქართველოს მთავრობა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა