2017-06-17 12:51:09, 2868 ნახვა
მსოფლიო
იაპონიის სანაპიროებთან ამერიკული სამხედრო ხომალდი სავაჭრო გემს დაეჯახა - 7 მეზღვაურს ეძებენ
იაპონიის სანაპიროებთან, წყნარ ოკეანეში, ამერიკის შეერთებული შტატების სამხედრო ხომალდი სავაჭრო გემს დაეჯახა, - ამის შესახებ BBC იუწყება.
მედია საშუალების ინფორმაციით, ინციდენტის შედეგად, 7 ამერიკელი მეზღვაური ამ დრომდე დაკარგულად ითვლება.
მედიის ცნობით, სამძებრო-სამაშველო სამუშაოები უკვე რამდენიმე საათია მიმდინარეობს. ინფორმაცია გარდაცვლილთა შესახებ ამ დრომდე არ გავრცელებულა.
ავარიის შედეგად 3 ადამიანი დაშავდა. ისინი საავადმყოფოში მოათავსეს და მათ ჯანმრთელობას საფრთხე არ ემუქრება.
ორივე გემის ევაკუაცია დროულად განხორციელდა. 7 ამერიკელი მეზღვაურის სამძებრო ოპერაციაში იაპონიის მხარეც მონაწილეობს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
