ირანის უშიშროების სამინისტროს კონტრ-დაზვერვის სამსახურის ინფორმაციით, დღეს თეირანში რამდენიმე ტერორისტული ჯგუფი შევიდა, - ამის შესახებ ადგილობრივი მედია იუწყება.

მედია საშუალების ინფორმაციით, სპეცსამსახურებმა ერთ-ერთი დაჯგუფების განეიტრალება ტერორისტული თავდასხმის განხორციელებამდე შეძლეს, თუმცა თავდასხმა პარლამენტსა და იმამ ხომეინის მავზოლეუმზე, ორმა ჯგუფმა განახორციელა. 

როგორც მედია წერს, თავდამსხმელები ირანის პარლამენტის ტერიტორიაზე ამ დრომდე რჩებიან.

შეგახსენებთ, რომ ცოტა ხნის წინ ირანის დედაქალაქ თეირანში პარლამენტის შენობაში ტერორისტები შეიჭრნენ. თავდამსხმელებმა შენობაში მყოფ პირებს ცეცხლი გაუხსნეს. გარკვეული პერიოდის განმავლობაში მძევლად 5 ადამიანი ჰყავდათ აყვანილი. ინციდენტის შედეგად 7 ადამიანი დაირუპა, მათ შორის დაცვის ერთი წევრი. პარალელურად კიდევ ერთი თავდასხმა იმამ ჰომეინის მავზოლეუმზე განხორციელდა, სადაც ერთ-ერთმა ტერორისტმა თავი აიფეთქა. დაშავდა 5 ადამიანი. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხოშტარია: დაწყებულია ტკივილის მართვა, რამაც დიდი შვება მომცა, ბევრად უკეთ ვგრძნობ თავს

პროკურატურამ ფორმულას მიმართ აღძრულ საქმეზე გამოკითხვაზე ოპერატორი მიშო მარტაშვილი დაიბარა

პოეტი ტარიელ ჭანტურია გარდაიცვალა

რუსეთიდან საქართველოში ამანათები 474%-ით გაიზარდა