ლტოლვილთა და განსახლების მინისტრის სოზარ სუბარის განცხადებით, დემირელის კოლეჯის მენეჯერის, მუსტაფა ემრე ჩაბუქისთვის სტატუსის მინიჭების საკითხი განხილვის პროცესშია.

როგორც სუბარმა აღნიშნა, საკითხის გადაწყევტა საქმის შესწავლის შემდეგ მოხდება. 

,,ჩვენ უნდა შევისწავლოთ, რამდენად შეესაბამება ჩაბუქის მიერ ლტოლვილის სტატუსის მოთხოვნა საერთაშორისო სტატუსის კონვენციას, საერთაშორისო სტანდარტებსა და საქართველოს კანონმდებლობას. ამის მიხედვით იქნება მიღებული გადაწყვეტილება. ექსტრადაცია ავტომატურ რეჟიმში, პროკურატურის მიერ საქმის მასალების შესწავლისა და თურქული მხარის საბუთების მოწოდების გარეშე არ ხდება",- განაცხადა მინისტრმა. 

შეგახსენებთ, თბილისში, 24 მაისს, თურქული მხარის მოთხოვნით, დემირელის კერძო კოლეჯის ხარისხის მართვის მენეჯერი  მუსტაფა ემრე ჩაბუქი დააკავეს. სასამართლო პროცესზე პროკურორმა განაცხადა, რომ ჩაბუქს შეიარაღებული ტერორისტული ორგანიზაციის წევრობა ედება ბრალად და მისი დაპატიმრება მოითხოვა. მოსამართლემ ბრალდების მხარის შუამდგომლობა დააკმაყოფილა და მუსტაფა ემრე ჩაბუქს სამთვიანი წინასაექსტრადიციო პატიმრობა შეეფარდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თიბისის მხარდაჭერით, საქართველოს ნაკრები ინფორმატიკის ევროპის ახალგაზრდულ ოლიმპიადაზე გაემგზავრება

მიხეილ ყაველაშვილი – ჩვენმა საპარლამენტო დელეგაციამ ჯო უილსონს სათანადო პასუხი გასცა

სააკაშვილი: „რეფორმატორთა საბჭოს“ შექმნა ხელს შეუწყობს „ნაციონალური მოძრაობის“ განახლებას

საქართველოს დელეგაციამ პროტესტის ნიშნად ჰააგის დეკლარაციის კენჭისყრის დარბაზი დატოვა