2017-05-29 21:45:48, 2573 ნახვა
მსოფლიო
მოსკოვში ქარიშხალმა 11 ადამიანის სიცოცხლე იმსხვერპლა - ვიდეო
მოსკოვში 11 ადამიანი დაიღუპა ძლიერი ქარიშხლის შედეგად. სამედიცინო დახმარებისთვის მათ 50-მდე ადმიანმა მიმართა, მათ შორის არიან ბავშვებიც. მოსკოვის მერის სერგეი სობიანინის თქმით, მოულოდნელად ამოვარდნილმა ქარიშხალმა 600 ხე წააქცია.
ძლიერმა წვიმებმა და ქარმა მოსკოვის ქუჩებში მოძრაობა გაართულა. მოსკოვში ჰაერის ტემპერატურა რამდენიმე გრადუსით მოულოდნელად დაეცა, ცა კი ღრუბლებით დაიფარა. უეცრად ამოვარდნილი ქარი გლეჯდა ხეებს, სახლების სახურავებს, სარეკლამო ბანერებს. კიროვოგრადის ქუჩაზე ქარმა მიწიდან ავტობუსის გაჩერების კონსტრუქცია ამოგლიჯა და ხალხისკენ გაისროლა. შედეგად რამდენიმე მათგანი დაშავდა, ერთი კი დაიღუპა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
