თბილისში საქართველო-ავსტრიის ერთობლივი ეკონომიკური კომისიის მე-5 სხდომა გაიმართა, რომელსაც საქართველოს ეკონომიკისა და მდგრადი განვითარების მინისტრის მოადგილე გენადი არველაძე და ავსტრიის რესპუბლიკის მეცნიერების, კვლევისა და ეკონომიკის მინისტრის მოადგილე საერთაშორისო ეკონომიკური პოლიტიკისა და ევროინტეგრაციის მიმართულებით ბერნადეტე გირლინგერი უძღვებოდნენ. 

სხდომის ბოლოს ხელი მოეწერა საქართველო-ავსტრიის ერთობლივი ეკონომიკური კომისიის მე-5 სხდომის ოქმს.

კომისიის თანათავმჯდომარეებმა კომისიას ორი ქვეყნის ეკონომიკის სფეროში განხორციელებულ და მიმდინარე რეფორმებზე ინფორმაცია მიაწოდეს.

„ჩვენ განვიხილეთ ორმხრივი თანამშრომლობის კუთხით გადადგმული ნაბიჯები და  ურთიერთთანამშრომლობის პერსპექტივები ისეთ  სფეროებში, როგორიცაა ვაჭრობა, საბაჟო საკითხები,  სოფლის მეურნეობა, ენერგეტიკა,  კულტურა, საგანმანათლებლო სფერო და  ასე შემდეგ. შესაბამისად, ვისაუბრეთ, თუ როგორ განვავითაროთ თანამშრომლობა ორ ქვეყანას შორის და გავაძლიეროთ ის მიმართულებები, სადაც ვხედავთ, რომ პოტენციალი სრულად არ არის ათვისებული“, - განაცხადა გენადი არველაძემ.

კომისიის ფარგლებში მხარეებმა განსაკუთრებულ ყურადღება ავსტრიის განვითარების სააგენტოს (ADA) ფარგლებში განხორციელებულ პროექტებსა და ტურიზმის სფეროში გამოცდილების გაზიარებას დაუთმეს.

როგორც სხდომაზე ითქვა, საქართველოსთვის მნიშვნელოვანია სოფლის მეურნეობის სფეროში ავსტრიის მხარესთან თანამშრომლობა და მათი გამოცდილების გაზიარება.

ეკონომიკური კომისიის ფარგლებში თანამშრომლობა ხელს შეუწყობს ორ ქვეყანას შორის ურთიერთობების გაღრმავებას და სოფლის მეურნეობის სფეროში ევროპული სტანდარტების დანერგვას.

მხარეებმა, ასევე, განათლებისა და მეცნიერების სფეროში ორმხრივი ურთიერთობების განვითარების პოზიტიური დინამიკა აღნიშნეს და სამომავლო თანამშრომლობის კიდევ უფრო გაღრმავების შესაძლებლობები განიხილეს.

ქართულმა მხარემ ავსტრიას, როგორც ერთ-ერთ ყველაზე აქტიურ მონაწილეს ევროკავშირის დახმარების პროექტებში მადლობა გადაუხადა.

ავსტრიის დელეგაციამ კიდევ ერთხელ დაადასტურა მზაობა მონაწილეობა მიიღოს ევროკავშირის დახმარების სამომავლო პროექტებში.

შეხვედრაზე ქართული მხარის მიერ ასოცირების შესახებ შეთანხმების განხორციელების პროცესში სტრატეგიული კომუნიკაციებისა და 2017-2020 წლებისთვის ევროკავშირსა და ნატოში გაწევრიანების კომუნიკაციის შესახებ საქართველოს მთავრობის   სტრატეგიის მნიშვნელობა ხაზგასმით აღინიშნა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი