ამერიკის შეერთებული შტატების მიერ ქურთული შენაერთების შეიარაღებით მომარაგება თურქეთისთვის მიუღებელია, - ამის შესახებ Euronews იუწყება.

მედია საშუალების ინფორმაციით, ოფიციალურ ანკარაში შიშობენ, რომ შეიარაღებას ქურთები თურქეთის არმიის წინააღმდეგ გამოიყენებენ. 

სირიის დემოკრატიული ძალების შემადგენლობაში მებრძოლი ქურთული სამხედრო დანაყოფები ისლამისტებისგან ქალაქ რაქას გათავისუფლების ოპერაციაში იღებენ მონაწილეობას. თურქეთმა კი გასულ თვეს ერაყის ჩრდილოეთით და სირიის ჩრდილო-აღმოსავლეთით არსებული ქურთების პოზიციები დაბომბა, რის შედეგადაც 28 ადამიანი დაიღუპა.

ქურთ მებრძოლებს თურქეთი ტერორისტებად განიხილავს, თუმცა რაქაში "ისლამური სახელმწიფოს" წინააღმდეგ საბრძოლველად სირიელი ქურთებისთვის სამხედრო შეიარაღების გადაცემის ბრძანებას პრეზიდენტმა დონალდ ტრამპმა ხელი უკვე მოაწერა. თეთრ სახლში აცხადებენ, რომ ქურთების აღჭურვა გამარჯვების საწინდარი გახდება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”