თურქეთის პრეზიდენტის რეჯეპ ტაიფ ერდოღანის განცხადებით, ახალი უფლებამოსილა მას დიქტატორად არ აქცევს, - ამის შესახებ თურქეთის პრეზიდენტმა CNN-სთვის მიცემულ ექსკლუზიურ ინტერვიუში განაცხადა.

როგორც ერდოღანმა აღნიშნა, საკონსტიტუციო ცვლილებების შესახებ რეფერენდუმი მასზე მორგებული არ არის. 

"მე მოკვდავი ვარ, ნებისმიერ დროს შეიძლება მოვკვდე", - აღნიშნა ერდორანმა.

თურქეთის პრეზიდენტმა ასევე უარყო ბრალდებები იმის შესახებ, რომ მან რეფერენდუმის შედეგები თავისი ძალაუფლების გაძლიერებისთვის გამოიყენა. 

"ეს სისტემა წარმოადგენს თურქეთის დემოკრატიის ისტორიაში ცვლილებას, ტრანსფორმაციას", - განმარტა მან.

ერდოღანის თქმით, ახალი ცვლილებები არ წარმოადგენს დიქტატურისკენ გადადგმულ ნაბიჯს.

"იქ, სადაც დიქტატურა არსებობს, თქვენ არ გჭირდებათ საპრეზიდენტო სისტემა. ჩვენ საარჩევნო ყუთები გვაქვს, დემოკრატია ხალხისგან იკრეფს ძალას. ამას ჩვენ ხალხის ნებას ვუწოდებთ", - დასძინა თურქეთის პრეზიდენტმა. 

ინტერვიუში რეჯეპ ტაიფ ერდოღანი ევროკავშირთან არსებულ ურთიერთობებსაც შეეხო. 

"ევროკავშირი უკვე 54 წელია თავის კართან გვალოდინებს. პოლიტიკური ურთიერთობების თვალსაზრისით, ეს მიუღებელია. ევროკავშირი თავის დანაპირებს არ არულებს", - აღნიშნა ერდორანმა. 

შეგახსენებთ, რომ თურქეთში 16 აპრილს რეფერენდუმი ჩატარდა, რომლის თანახმადაც მოსახლეობა მმართველობის მოდელს ირჩევდა. ამ დროისთვის თურქეთში საკონსტიტუციო ცვლილებების შესახებ ჩატარებულ რეფერენდუმში მონაწილეთა ხმების 99%-ია დათვლილი. საკონსტიტუციო ცვლილებებს მხარს უჭერს 51,34 %, ხოლო წინააღმდეგია 48,66 %. 

ცნობისთვის, თურქეთში ჩატარებული რეფერენდუმის პირველადი შედეგების გამოცხადების შემდეგ, სტამბოლში ასობით ადამიანი საპროტესტო აქციას მართავს. 

საპროტესტო აქციაზე 49 ადამიანი დააკავეს. 

თურქეთის ოპოზიცია საკონსტიტუციო ცვლილებებთან დაკავშირებით რეფერენდუმის შედეგების გასაჩივრებას აპირებს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის შეიარაღებულმა ძალებმა თათარსტანსა და სარატოვის ოლქში ნავთობგადამამუშავებელ ქარხნებს, ყუბანში მდებარე საკომპრესორო სადგურს და ვორონეჟის ოლქში მდებარე სამხედრო აეროდრომს შეუტიეს.

აშშ-მ ტანკერებზე თავდასხმის შემდეგ ირანული ნავთობით ვაჭრობის ლიცენზია გააუქმა.

Axios: ტრამპმა ირანზე დარტყმების ბრძანება თურქეთში ყოფნისას გასცა

ირანმა დარტყმები განახორციელა რეგიონში მდებარე 85 ამერიკული ობიექტის წინააღმდეგ