საფრანგეთის პრეზიდენტობის კანდიდატის და "ნაციონალური ფრონტის" ლიდერის მარინ ლე პენის განცხადებით, არჩევნებში გამარჯვების შემთხვევაში ის ქვეყანაში ნებისმიერი სახის იმიგრაციას აკრძალავს მანამ, სანამ ლეგალური მიგრაციის შესახებ კანონპროექტი არ შემუშავდება და არ დამტკიცდება, - ამის შესახებ BBC იუწყება.

"მინდა, რომ ლეგალურ მიგრაციასთან დაკავშირებით მორატორიუმი დავაწესო, რათა ეს შეშლილი, უკონტროლო სიტუაცია, რომელიც ჩვენ ქვემოთ მიგვათრევს შეჩერდეს", - აღნიშნა ლე პენმა მიტინგზე სიტყვით გამოსვლისას.

ამის შემდეგ, მისივე თქმით, იგეგმება უფრო მკაცრი, ბევრად უფრო გააზრებული, ჰუმანური და კონტროლირებადი საიმიგრაციო წესები.

ფრანგულმა მემარცხენე გაზეთმა Liberation-მა ლე პენის ამ გამოსვლას, წინასაარჩევნო კამპანიის განმავლობაში ყველაზე უკომპრომისო უწოდა.

გარდა ამისა, პრეზიდენტობის კიდევ ერთმა კანდიდატმა ფრანსუა მაკრონიმ აღნიშნა, რომ გამარჯვების შემთხვევაში საფრანგეთი ევროკავშირის წევრი დარჩება და ურთიერთობები გაუმჯობესდება.

ექსპერტების შეფასებით, ფრანსუა მაკრონი და მარინ ლე პენი არჩევნების მეორე ტურში ერთმანეთს დაუპირისპირდებიან. მეორე ტურის ფავორიტად ფრანსუა მაკრონის მიიჩნევენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის შეიარაღებულმა ძალებმა თათარსტანსა და სარატოვის ოლქში ნავთობგადამამუშავებელ ქარხნებს, ყუბანში მდებარე საკომპრესორო სადგურს და ვორონეჟის ოლქში მდებარე სამხედრო აეროდრომს შეუტიეს.

აშშ-მ ტანკერებზე თავდასხმის შემდეგ ირანული ნავთობით ვაჭრობის ლიცენზია გააუქმა.

Axios: ტრამპმა ირანზე დარტყმების ბრძანება თურქეთში ყოფნისას გასცა

ირანმა დარტყმები განახორციელა რეგიონში მდებარე 85 ამერიკული ობიექტის წინააღმდეგ