რუსული ენა, რომლითაც ვეურთიერთობებით აფხაზებსაც, ოსებსაც, აზერბაიჯანელბსაც, სომხებსაც არ უნდა იყოს მივიწყებული, - ამის შესახებ საქართველოს პრეზიდენტმა გიორგი მარგველაშვილმა ნატო-საქართველოს სახალხო დიპლომატიის ფორუმზე განაცხადა.

პრეზიდენტის თქმით, რუსული ენა ინფორმაციის ერთიანი მესიჯის მისატანად უნდა იყოს გამოყენებული.

"არ მიმაჩნია, რომ ქართველები უნდა ივიწყებდნენ რუსულ ენას, თუნდაც იმ დაპისირპირების თვალსაზრისით. ძალიან ბევრი გვაქვს ამ ენაზე სათქმელი, თუნდაც აზერბაიჯანელებისთვის, სომხებისთვის, ოსებისთვის, აფხაზებისთვის. როდესაც შენ გაგაჩნია ძალა და სიმართლე, შენ არ უნდა ჩახსნა ამ სიმართლის გავრცელების საშუალებები. რუსული ენა, ჩვენი ძალიან აქტიური იარაღი და რესურსია. ამ ენის ჩახსნა პრინციპულად არასწორი იქნება", - განაცხადა პრეზიდენტმა.

მარგველაშვილი მიიჩნევს, რომ საქართველოს პოზიციის დაფიქსირება რუსულ ენაზე ძალიან მნიშვნელოოვანია.

"ინფორმაციის გავრცელებისთვის რუსული ენა არის ძალიან კომფორტული. არაფრის დიდებით არ უნდა ჩავხსნათ ეს საინფორმაციო იარაღი, რომელიც ჩვენ გვაქვს ხელში. ეს არის ძალიან მნიშვნელოვანი, ერთიანი მესიჯის მისატანად", - აღნიშნა გიორგი მარგველაშვილმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის გენშტაბი რუსეთში დაბომბილი სტრატეგიული ობიექტების შესახებ ინფორმაციას ავრცელებს

TV Pirveli: ტერიტორია, სადაც მიწა ჩამოიშალა ჯუანშერ ბურჭულაძის ოჯახს ეკუთვნის

საქართველოს ბანკის 29-ე თანამედროვე ბიბლიოთეკა სოფელ ჭვანის საჯარო სკოლაში გაიხსნა

მოსკოვის მერის თქმით, რუსეთის დედაქალაქზე დრონებით იერიში მიიტანეს