პარლამენტის იურიდიულ საკითხთა კომიტეტის თავმჯდომარის, ეკა ბესელიას განცხადებით, სახელმწიფო საკონსტიტუციო კომისიას საკონსტიტუციო ცვლილებები პრინციპების დონეზე უკვე მომზადებული აქვს.

კომიტეტის თავმჯდომარის განმარტებით, კომისიის დღევანდელ სხდომაზე მუშაობა რედაქციულად მიმდინარეობს, რათა ის საკითხები გასწორდეს, რომლებზეც პირველი-ორი ეტაპის განმავლობაში ჯგუფი მუშაობდა.

„მუხლის კონსტრუქციაში გარკვეული ცვლილებები ახლაც შედის, თუმცა ის ძირითადი პრინციპები, რომ კონსტიტუცია გასწორდეს და დალაგდეს, ასევე უფლებრივი ნაწილი ერთად იყოს მოცემული, ჩამოყალიბულია. ანუ, ამ საკითხებთან დაკავშირებით იგრძნობა, რომ სამუშაო ჯგუფის უმრავლესობა პრინციპზე თანხმდება, თუმცა შესაძლებელია ცალკეული ნორმების შეცვლაც. ის განწყობა და ის პოზიცია არ არის, რომ ის, რაც ამ რედაქციის სახითაა შემოთავაზებული, არ შეიცვლება. რა თქმა უნდა, შესაძლებელია გარკვეული კორექტირება მოხდეს”, - აღნიშნა ბესელიამ.

შეგახსენებთ, რომ საქართველოს პარლამენტში ადამიანის ძირითადი უფლებებისა და თავისუფლებების, სასამართლო ხელისუფლების, საქართველოს კონსტიტუციის პრეამბულისა და ზოგადი და გარდამავალი დებულებების საკითხთა სამუშაო ჯგუფის სხდომა მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის გენშტაბი რუსეთში დაბომბილი სტრატეგიული ობიექტების შესახებ ინფორმაციას ავრცელებს

TV Pirveli: ტერიტორია, სადაც მიწა ჩამოიშალა ჯუანშერ ბურჭულაძის ოჯახს ეკუთვნის

საქართველოს ბანკის 29-ე თანამედროვე ბიბლიოთეკა სოფელ ჭვანის საჯარო სკოლაში გაიხსნა

მოსკოვის მერის თქმით, რუსეთის დედაქალაქზე დრონებით იერიში მიიტანეს