„ეკონომიკური ზრდის საკმაოდ კარგი მაჩვენებელი დაფიქსირდა. ეს მთავარი პარამეტრია იმისა, რომ განისაზღვროს როგორი ვითარებაა ქვეყანაში“, - ამის შესახებ „ვისოლ ჯგუფის“ პრეზიდენტმა სოსო ფხაკაძემ სასტუმრო „ბილტმორში“ განაცხადა, სადაც ფინანსთა მინისტრი დიმიტრი ქუმსიშვილი ბიზნეს ასოციაციის წარმომადგენლებს ხვდება.

როგორც ფხაკაძემ აღნიშნა, შეხვედრაზე ეკონომიკური შედეგებს და პარამეტრებს განიხილავენ.

"ზედმეტია იმაზე საუბარი თუ რაოდენ ღირებული და მნიშვნელოვანია სწორი და ეფექტური კომუნიკაცია ბიზნესსა და სახელმწიფოს შორის. დღეს, ძალიან წარმომადგენლობითი დელეგაცია გვყავს ფინანსთა სამინისტროდან, პირველი ვიცე-პრემიერის ხელმძღვანელობით. გვექნება განხილვა ეკონომიკური შედეგების და პარამეტრების პირველ კვარტალში. პირველი კვარტალი მართლაც საინტერესო იყო, წინა წლის კვარტალს თუ შევადარებთ. ბუნებრივია ამ გამოცოცხლებას მთელი ქვეყანა და ბიზნესი გრძნობს. რა საკვირველია ეს ტრენდი უნდა გაგრძელდეს. გვახარებს ის ფაქტი, რომ დაფიქსირდა საკმაოდ კარგი მაჩვენებელი ეკონომიკური ზრდის, რაც არის მთავარი პარამეტრი იმისა, რომ განისაზღვროს როგორი ვითარებაა ქვეყანაში, ასევე მსოფლიო ბანკი პროგნოზირებს 5% ზრდას წელს და ჩვენ ამას დიდი იმედით ვუყურებთ", - აღნიშნა ფხაკაძემ.

ჟურნალისტის კითხვაზე თუ რა უნდა გააკეთოს ხელისუფლებამ, რომ ზრდის ტენდენცია გაგრძელდეს, ფხაკაძის თქმით, ბიზნესმა ხელისუფლებასთან ერთად უნდა გააკეთოს უფრო მეტი, რომ ეკონომიკური ვითარება გაუმჯობესდეს.

"ჩვენ ასეთი შეხვედრების დროს მონოლოგის რეჟიმში არასდროს ვსაუბრობთ. არის დიალოგის და დისკუსიის რეჟიმი. ღიად ვამბობთ იმ თემებს და პრობლემებს, რომელიც არის ქვეყანაში. მთავარი ამოცანაა ხელისუფლებასთან ერთად გაკეთდეს უფრო მეტი ამ ქვეყანაში და უფრო მეტი ეკონომიკური ზრდა იყოს, და ზოგადად, ეკონომიკური ვითარება გაუმჯობესდეს", - დასძინა "ვისოლ ჯგუფის" პრეზიდენტმა

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NYT: ტრამპი აპირებს, თურქეთისთვის ამერიკული F-35 გამანადგურებლების მიყიდვის ნებართვა მისცეს

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა