ვარკეთილში დაჭრილი პოლიციელის ჯანმრთელობის მდგომარეობა მძიმეა

2015-04-05 13:19:55, 674 ნახვა

სამართალი

ვარკეთილში გუშინ დაჭრილი პოლიციელის ვალერიან გრძელიშვილის ჯანმრთელობის მდგომარეობა უკიდურესად მძიმეა. ის ამ დრომდე რეანიმაციულ განყოფილებაში რჩება.

როგორც ექიმები აცხადებენ, ამ ეტაპზე მას ფილტვების ხელოვნური ვენტილაცია უტარდება.

ცნობისთვის, შსს-ს ისანი-სამგორის სამმართველოს მე-8 განყოფილების უბნის ინსპექტორ-გამომძიებელი ბექა მარგიშვილი დეტექტივის თანაშემწე - გამომძიებელ ვალერიან გრძელიშვილთან ერთად 4 აპრილს, საღამოს საათებში, თბილისში, ვარკეთილის მეტროსთან, ჯავახეთის ქუჩაზე, სამსახურებრივ მოვალეობას ასრულებდა, რა დროსაც მათ გადამოწმების მიზნით პიროვნება შეაჩერეს. აღნიშნულმა პირმა მოულოდნელად პოლიციელების მისამართით ცეცხლსასროლი იარაღიდან ცეცხლი გახსნა და შემთხვევის ადგილიდან მიიმალა. სროლის შედეგად ორივე სამართალდამცველი დაიჭრა. მიყენებული ჭრილობების შედეგად ბექა მარგიშვილი საუნივერსიტეტო კლინიკაში გადაყვანის შემდეგ გარდაიცვალა. ვალერიან გრძელიშვილს სამედიცინო დახმარება პირველ კლინიკურ საავადმყოფოში უტარდება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან