იუსტიციისა და ლტოლვილთა და განსახლების სამინისტროები სახელმწიფო სერვისების განვითარების კუთხით ითანამშრომლებენ.

შესაბამის დოკუმენტს ხელი თეა წულუკიანმა და სოზარ სუბარმა მოაწერეს.

მემორანდუმი იუსტიციის სამინისტროში გაფორმდა. ურთიერთთანამშრომლობის დოკუმენტი სერვისების მიწოდების სფეროში თანამშრომლობას ითვალისწინებს როგორც სამინისტროებს, ისე მათი მმართველობის სფეროში მოქმედ საჯარო სამართლის იურიდიულ პირებს (სსიპ) შორის.

მემორანდუმის მიზანი სერვისების მიწოდების სფეროში არსებული გამოცდილების გაზიარება და მათი ხელმისაწვდომობის გაზრდაა. ამისათვის იუსტიციისა და ლტოლვილთა და განსახლების სამინისტროები კონსულტაციების საფუძველზე შექმნიან თემატურ ჯგუფებს, გამართავენ კონსულტაციებს და შეიმუშავებენ რეკომენდაციებს სერვისების ხელმისაწვდომობის გასაზრდელად. უწყებები ერთობლივ პროექტებსაც დაგეგმავენ და განახორციელებენ.

სახელმწიფო სერვისების ხელმისაწვდომობა იუსტიციის სამინისტროს ერთ-ერთი პრიორიტეტია და მას იუსტიციის სახლები და საზოგადოებრივი ცენტრები უზრუნველყოფენ. იმისათვის, რომ საქართველოს თითოეულმა მოქალაქემ ისარგებლოს სწრაფი და კომფორტული მომსახურებით, მხოლოდ ბოლო 4 წელიწადში 30-ზე მეტი საზოგადოებრივი ცენტრი გაიხსნა. განსაკუთრებული ყურადღება ეთმობა საზოგადოებრივი ცენტრების მშენებლობას ე.წ. კონფლიქტური და მაღალმთიანი რაიონების სიახლოვეს. ლტოლვილთა და განსახლების სამინისტროსთან გაფორმებული მემორანდუმით იუსტიციის სამინისტრო აგრძელებს მუშაობას, რათა სახელმწიფო სერვისები კიდევ უფრო ხელმისაწვდომი გახდეს საქართველოს მთელ ტერიტორიაზე, მათ შორის, აფხაზეთიდან და სამხრეთ ოსეთიდან დევნილი მოსახლეობისთვის.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს