აკრძალული მედიკამენტის მალულად შემოტანის ფაქტი გამოავლინეს

2015-04-02 11:19:36, 728 ნახვა

სამართალი

შემოსავლების სამსახურის თანამშრომლებმა აკრძალული მედიკამენტის მალულად შემოტანის ფაქტი გამოავლინეს.

როგორც "ექსპრესნიუსს" შემოსავლების სამსახურიდან აცნობეს, 112 აბი ფსიქოტროპული ნივთიერების შემცველი მედიკამენტი LYRICA (300mg) რუსეთის მოქალაქე რ. ა.-ს შემოჰქონდა, რომელიც 1 აპრილს შემოვიდა საბაჟო გამშვები პუნქტის, „ყაზბეგის“, ტერიტორიაზე.

შემოსავლების სამსახურის თანამშრომლებმა აკრძალული მედიკამენტი მგზავრის ფიზიკური დათვალიერებისას, მის სხეულზე დამალული აღმოაჩინეს.

საქმე შემდგომი რეაგირების მიზნით გადაეცა შინაგან საქმეთა სამინისტროს საპატრულო პოლიციის მცხეთა-მთიანეთის მთავარი სამმართველოს საგამოძიებო განყოფილებას.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან