ფრაქცია „ქართული ოცნების“ თავმჯდომარე მამუკა მდინარაძე ე.წ. ციანიდის საქმის ირგვლივ განვითარებულ მოვლენებს გამოეხმაურა.

როგორც მდინარაძემ აღნიშნა, საქმეზე ერთ-ერთმა პოლიტიკურმა ძალამ პიარკამპანია წამოიწყო და ფსიქოლოგიური ზეგავლენის ქვეშ, სხვებთან  ერთად, სასულიერო პირებიც მოექცნენ.

ამასთან, დეპუტატის შეფასებით, გუშინდელი დღე იყო დასტური იმისა, რომ გამოძიებას უნდა ენდონ:

 „მთავარმა პროკურორმა ბრიფინგზე თქვა, რომ „მოქალაქის ინფორმაციით, იგეგმებოდა მაღალი იერარქიის სასულიერო პირის მკვლელობა. ამის შემდეგ, შეგიძლიათ გადაახვიოთ, რომ დააკავეს პიროვნება, რომელსაც ბრალად ედება ერთ-ერთი პირის მკვლელობის მომზადება. ამის გადახვევა შეგიძლიათ და თქვენ არ გაწყობთ, იმიტომ, რომ წინა დღიდან მოყოლებული პიარკამპანია იყო ამაზე აგებული და ეს არის პოლიტიკური დღის წესრიგი სამწუხაროდ, ერთ-ერთი პოლიტიკური ძალის. ძალიან სამწუხაროა, რომ ამაში გაებნენ, ამ ფსიქოლოგიური ზეგავლენის ქვეშ მოექცნენ სხვა პირებიც და სამწუხაროდ, ეს იყო სასულიერო პირთა მხრიდანაც. გუშინდელი დღე იყო დასტური იმისა, რომ ჩვენ უნდა ვენდოთ გამოძიებას, ეს საპატრიარქოს პრესსპიკერმაც გაახმოვანა. ჩვენ დიდი სიფრთხილით, მართლა ძალიან სენსიტიურ საკითხს ვუდგებით, თუმცა ეს ძალიან სამწუხაროა, რომ თქვენს განცხადებებში არ ჩანს“,-განაცხადა მამუკა მდინარაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოში რუსულენოვანთა რაოდენობა თითქმის 19%-ით გაიზარდა

ეუთოს საპარლამენტო ასამბლეის კომიტეტმა მხარი დაუჭირა საქართველოში არსებული ვითარების შესახებ რეზოლუციის პროექტს

თიბისი კაპიტალის ექსკლუზიური მხარდაჭერით, თეგეტა მოტორსმა ადგილობრივ ბაზარზე პირველი 6-თვიანი ობლიგაციები განათავსა

„თეგეტა მოტორსმა“ Bridgestone-ის საერთაშორისო ღონისძიებას უმასპინძლა, რომელზეც საბურავების ორი ახალი მოდელი წარადგინეს