„ჩვენს ოპოზიციონერ კოლეგებს რაც შეეხება, რომლებმაც რატომღაც მოინდომეს პროკურორის გადადგომა და პროკურორის გადადგომის მოთხოვნით ხელმოწერების შეგროვება დაიწყეს, ეს ამბავი ძალიან რბილად რომ ვთქვა,  ღიმილს იწვევს“,-ამის შესახებ „ქართული ოცნების“ დეპუტატმა ნუკრი ქანთარიამ პარლამენტის პლენარულ სხდომაზე განაცხადა.

დეპუტატმა მთავარი პროკურატურის მიმართ გამოთქმულ ბრალდებებზეც ისაუბრა და აღნიშნა, რომ პროკურატურამ  ის გააკეთა, რაც უნდა გაეკეთებინა.

„ერთადერთი შემიძლია ვთქვა, რომ გადაითვალეთ ერთმანეთი მაინც  რამდენს აღწევთ ამ შემთხვევაში პარლამენტში და რამდენად გაქვთ ამის გაკეთების შესაძლებლობა. მინდა გარკვევით ვთქვა, რომ პროკურატურამ გააკეთა ის რაც რა თქმა უნდა  გაეკეთებინა.  სწორედ გამოძიებამ უნდა დაადგინოს მტყუანი მართალი, ვინ ბრალიანია და ვინ უბრალო. სწორედ ზედმეტი ინტერპრეტაციებით არ უნდა მივცეთ სახიფათო პროცესებს გასაქანი“, - განაცხადა ნუკრი ქანთარიამ.

შეგახსენებთ, „ევროპული საქართველო“ და „ნაციონალური მოძრაობა“ მთავარი პროკურორის ირაკლი შოთაძის გადაყენების მოთხოვნით, ხელმოწერების შეგროვებას იწყებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოში რუსულენოვანთა რაოდენობა თითქმის 19%-ით გაიზარდა

ეუთოს საპარლამენტო ასამბლეის კომიტეტმა მხარი დაუჭირა საქართველოში არსებული ვითარების შესახებ რეზოლუციის პროექტს

თიბისი კაპიტალის ექსკლუზიური მხარდაჭერით, თეგეტა მოტორსმა ადგილობრივ ბაზარზე პირველი 6-თვიანი ობლიგაციები განათავსა

„თეგეტა მოტორსმა“ Bridgestone-ის საერთაშორისო ღონისძიებას უმასპინძლა, რომელზეც საბურავების ორი ახალი მოდელი წარადგინეს