"ველი, რომ პრემიერთან უფრო ეფექტიანი პოლიტიკური დიალოგის ფარგლებში,  პრეზიდენტი მოახერხებს, რომ  მომავალ წელს აქ აღარ იქნება ცარიელი სკამები",-ამის შესახებ ფრაქცია "რესპუბლიკელების" თავმჯდომარის მოადგილე თინა ხიდაშელმა პრეზიდენტის ყოველწლიურ მოხსენებაზე მთავრობის არ დასწრებასთან დაკავშირებით განაცხადა.
მისივე თქმით, პრეზიდენტის მოხსენებაზე მთავრობის დასწრების საკითხი სწორედ პრეზიდენტის მოსაგვარებელია.
"მინდა გამოვეხმაურო ყველა იმ ადამიანს, ვისაც თვალში ცუდად ხვდება ცარიელი სკამები და მეც ნამდვილად ვეკუთვნი იმ ადამიანებს, ვისაც ნამდვილად თვალში ხვდება ცარიელი სკამები.მე ველი, რომ პრეზიდენტი მოახერხებს მომავალ წელს უფრო ეფექტიანი და შედეგიანი პოლიტიკური დიალოგის ფარგლებში საქართველოს  დღევანდელი მართველი გუნდის ლიდერთან პრემიერთან, რომ აქ აღარ იქნება ცარიელი სკამები.საქართველოს მოსახლეობას არ აინეტრესებს ამას როგორ მოახერხებს ქვეყნის პრეზიდენტი,მოსახლეობას სჭირდება შედეგები და ეს საკითხი საქართველოს პრეზიდენტის მოსაგვარებელია.
შედეგი, ძალიან ნიშვნელოვანია,  რადგან 1 თვის განმავლობაში ქართული მედია საუბრობდა არა იმაზე, რა იქნებოდა პრეზიდენტის აქცენტები,,  რაზე ისაუბრებდა ქვეყნის პირველი პირი,   არამედ საუბარი იყო იმაზე, რომელ სკამზე რომელი ადამიანი, რომელ საათზე, რომელ წუთზე დაჯდებოდა, თუ არ დაჯდებოდა.ეს უნდა დამთავრდეს საქართველოში და ყველამ ერთად,  ჩვენც- პოლიტიკოსებმა, ექსპერტებმაც,   მედიამაც -ყველამ უნდა ვილაპარაკოთ იმ თემებზე, რომელიც საქართველოს მოსახლეობას აინტერესებს და არა იმაზე, რასაც მოვიგონებთ, შევქმნით და ეს გახდება  ხოლმე მთელი იმ აურზაურის მიზეზი, რომლის მონაწილეც ყველა ჩვენ ერთად ვართ.დიდი იმედი მაქვს, ეს არაფრისთვის საუბარი წელს ამ გამოსვლით დასრულდება და მომავალი წლიდან სხვაგვარ ვითარებას მივიღებთ",-განაცხადა თინა ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თურქეთში ნატოს სამიტის წინ ჟურნალისტებისა და მასწავლებლების მასობრივი დაპატიმრებები მოხდა

ერთი ზეიმი, განსხვავებული კრიტიკა: კლინტონი, ბუში და ობამა აშშ-ში დემოკრატიის კრიზისზე საუბრობენ

როიტერი: ტრამპი ზელენსკის თურქეთში ნატოს სამიტის ფარგლებში შეხვდება

საწვავის კრიზისის ფონზე, ტრანსბაიკალიის მაცხოვრებლებს ჩინეთში საწვავის შევსებას სთავაზობენ.