საქართველოში ოფიციალური ვიზიტით მყოფი ისრაელის პრეზიდენტის  რუვენ  რივლინის განცხადებით, ტერორიზმი ვერასოდეს გაიმარჯვებს,  ის მხოლოდ გააძლიერებს  ერთგულებას იერუსალიმისადმი და რწმენისადმი.

მან პრეზიდენტ გიორგი მარგველაშვილთან ერთად გამართულ პრესკონფერენციაზე ნებისმიერი სახის ტერორიზმი და ძალადობა დაგმო:

„მე ჩამოვედი იერუსალიმიდან, ესაა წმინდა ქალაქი, ესაა ქალაქი,  სადაც ახლა ვგლოვობთ ტერორიზმის მსხვერპლთ. ტერორიზმი ვერასოდეს გაიმარჯვებს. ის მხოლოდ გააძლიერებს ჩვენს  ერთგულებას  იერუსალიმისადმი, ჩვენი რწმენისადმი. ჩვენ საერთო, ზიარი საფრთხის წინაშე ვართ, ისევე როგორც მთელი მსოფლიო. ვგმობთ ტერორიზმს, ნებისმიერი   ტიპის სიძულვილს, ვართ ერთიანი,  რომ თვალი გავუსწოროთ   და დავამარცხოთ  ეს საფრთხე“,-განაცხადა ისრაელის პრეზიდენტმა.

რუვენ  რივლინმა საქართველოს ისრაელის სახელმწიფოს დახმარებისთვის მადლობა გადაუხადა:

 „დიდი მადლობა დახმარებისთვის, თქვენ ყოველთვის  მხარს უჭერდით  ისრაელს მძიმე  წუთებში. ჩვენ გვჭირდება ეს დახმარება, ვამაყობთ იმით, რომ ვართ მეგობრები საქართველოსი, დიდი მადლობა იმისათვის, რომ ჩვენ თავს ვგრძნობთ აქ,  როგორც საკუთარ სახლში“,-აღნიშნა ისრაელის პრეზიდენტმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Financial Times: აშშ უკრაინას რუსეთის ნავთობობიექტებზე თავდასხმებში ეხმარება

გერმანიის სამხედრო ხარჯები ცივი ომის შემდეგ უნახავ დონეს მიაღწევს

„როსატომმა“ კურსკის ატომურ ელექტროსადგურზე დრონებით თავდასხმის შესახებ განაცხადა

ISW: რუსეთის არმიის რეალური წარმატებები უკრაინაში პუტინის მიერ განცხადებულზე ხუთჯერ ნაკლები აღმოჩნდა