საქართველოს დემოკრატიული ინიციატივის ინფორმაციით, წინასაარჩევნო პერიოდში პოლიცია მძღოლებს საგზაო მოძრაობის წესების დარღვევისთვის თვალშისაცემად ნაკლებად აჯარიმებდა.

GDI ინფოგრაფიკასაც აქვეყნებს, სადაც  აღნიშნული  მონაცემები რიცხვებში და პროცენტულადაა მოცემული.

კერძოდ, მონაცემები ასახავს საქართველოს ადმინისტრაციულ სამართალდარღვევათა კოდექსის 125-ე მუხლის - „სატრანსპორტო საშუალების მძღოლის მიერ საგზაო მოძრაობის წესების დარღვევა“ - სამართალდარღვევებზე შინაგან საქმეთა სამინისტროს რეაგირებებს 2014, 2015 და 2016 წლების აგვისტოს, სექტემბერისა და ოქტომბერის თვეში.

„ინფოგრაფიკაზე ასახული მონაცემები საფუძვლიანს ხდის ვარაუდს, რომ პოლიცია წინასაარჩევნო პერიოდში თავს იკავებდა სამართალდამრღვევთა პასუხისგებაში მიცემისაგან, რაც შეესაბამება საზოგადოების ნაწილში არსებულ შეხედულებას, რომ ხელისუფლება რეპრესიული მექანიზმების შერბილებით ცდილობდა გავლენა მოეხდინა ამომრჩეველთა განწყობებზე და იყენებდა სამართალდამცავი ორგანოს პოლიტიკურ პროცესში“,-ნათქვამია საქართველოს დემოკრატიული ინიციატივის მიერ გავრცელებულ ინფორმაციაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება

HRW საქართველოში არასამთავრობო ორგანიზაციების მდგომარეობაზე ანგარიშს აქვეყნებს

უკრაინამ ბოლო 4 დღეში აზოვის ზღვაში 35 რუსულ ტანკერს დაარტყა