მთავარი პროკურორი ირაკლი შოთაძე პაატა ქარდავასა და დავით ცინდელიანის მკვლელობის საქმეზე სასამართლოს  მიერ მიღებულ გადაწყვეტილებას გამოეხმაურა.

როგორც შოთაძემ აღნიშნა, გამოძიებამ  სასამართლოში ყველა ის მტკიცებულება წარადგინა, რისი  შესაძლებლობაც  მათ ჰქონდათ.

მისივე განმარტებით, მკვლელობა  დასრულებული მკვლელობით  უნდა დაკვალიფიცირდეს.

 „თქვენთვის ცნობილია განხორციელებული მკვლელობის სპეციფიკა.  კონკრეტულად  ამ პიროვნებების მკვლელობის შემდეგ, მათ გვამებს გამოაბეს  მძიმე ლოდები და შავ ზღვაში ჩააგდეს. შესაბამისად, გამოძიების  მიერ გატარებული ღონისძიებების  მიუხედავად, ვერ მოხდა გვამების პოვნა. ჩვენთვის გასაგებია სასამართლოს დასაბუთება, თუმცა მიგვაჩნია, რომ ეს მკვლელობა უნდა დაკვალიფიცირდეს დასრულებული მკვლელობით და ვაპირებ აღნიშნული განაჩენი გავასაჩივრო სააპელაციო სასამართლოში. თუმცა, სასამართლომ  დაადგინა ის ფაქტი, რომ ამ ადამიანების მიმართ განხორციელდა მკვლელობის მცდელობა.  ჩვენ შეგვიძლია ვთქვათ, რომ საკმარისზე მეტი მტკიცებულებები  წარვადგინეთ ამ მიმართულებით და ამ საზარელი დანაშაულის ჩამდენმა პიროვნებამ აგო პასუხი კანონის წინაშე“,-განაცხადა მთავარმა პროკურორმა.

ცნობისთვის, სასამართლომ პაატა ქარდავას და დავით ცინდელიანის  მკვლელობის  საქმეზე გადაწყვეტილება მიიღო და რომან შამათავა მკვლელობის მცდელობაში დამნაშავედ ცნო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება

HRW საქართველოში არასამთავრობო ორგანიზაციების მდგომარეობაზე ანგარიშს აქვეყნებს

უკრაინამ ბოლო 4 დღეში აზოვის ზღვაში 35 რუსულ ტანკერს დაარტყა