საოკუპაციო ხაზთან მდებარე სოფლების მოსახლეობა 200-ლარიან ენერგოვაუჩერს მიიღებს

2016-12-23 16:22:43, 1267 ნახვა

საზოგადოება

შერიგებისა და სამოქალაქო თანასწორობის საკითხებში სახელმწიფო მინისტრის, ქეთევან ციხელაშვილის განცხადებით, საოკუპაციო ხაზთან მდებარე სოფლების მოსახლეობა 200-ლარიან ენერგოვაუჩერს მიიღებს.

მინისტრის ინფორმაციით, ვაუჩერების გადაცემის პროცესი რამდენიმე კვირაში დაიწყება.

"ჩვენ წელსაც მაქსიმალურად შევეცდებით, მოსახლეობას გვერდში დავუდგეთ, რათა მათი გადასახადები მაქსიმალურად შემსუბუქდეს. ახლა მიმდინარეობს გარკვეული პროცედურები, რათა თითოეული მუნიციპალიტეტის მიხედვით დაზუსტდეს მონაცემები. ამის შემდეგ ჩვენ უკვე გადავდგამთ პრაქტიკულ ნაბიჯებს იმ გადაწყვეტილებების შესაბამისად, რომელიც კომისიამ უკვე მიიღო. ვგულისხმობ, 200-ლარიან შეღავათს, ვაუჩერს, რომლითაც შევუმსუბუქებთ მოსახლეობას გადასახადებს. ვვარაუდობ, რომ რამდენიმე კვირაში გადავდგამთ რეალურ ნაბიჯებს", - განაცხადა ქეთევან ციხელაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან