2016-12-18 14:12:18, 1788 ნახვა
საზოგადოება
ქუთაისი-ბათუმის მიმართულებით მატარებლის მოძრაობა აღდგენილია
„საქართველოს რკინიგზა“ ქუთაისი-ბათუმის მიმართულებით მოძრავ მატარებლზე ცეცხლის გაჩენასთან დაკავშირებით განცხადებას ავრცელებს. როგორც „რკინიგზაში“ აღნიშნავენ, შემთხვევის შედეგად არავინ დაშავებულა და მოძრაობა უკვე აღდგენილია:
„ქუთაისი-ბათუმის მიმართულებით მოძრავ ელექტრომატარებელ N 682-ზე მოხდა აალება. ოპერატიულად განხორციელდა მგზავრების ევაკუაცია. ინციდენტის შედეგად არავინ დაშავებულა . მომხდარს ხელი არ შეუშლია მატარებლების მოძრაობის გრაფიკზე. მოძრაობა აღდგენილია“,-ნათქვამია განცხადებაში.
რაც შეეხება აალების მიზეზებს, „საქართველოს რკინიგზაში“ ამბობენ, რომ მიმდინარეობს მოკვლევა და უახლოეს პერიოდში გაირკვევა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
