3 დეკემბერს 17:30 საათზე ტექნოპარკში (ინოვაციების ქუჩა #7, თბილისი, ოქროყანა)  საქართველოს ინოვაციებისა და ტექნოლოგიების სააგენტო პროგრამა ,,ბიზნეს ინკუბატორის"  სტარტაპებისა და ინვესტორების შეხვედრას გამართავს, სადაც 8 გუნდი საკუთარი სტარტაპების პრეზენტაციებს წარადგენს.

მათ მიეცემათ საშუალება მოიპოვონ ინვესტიცია და განავითარონ ბიზნესი, როგორც ქართულ, ისე გლობალურ ბაზარზე.ღონისძებას მსხვილი კომპანიის ხელმძღვანელები და პოტენციური ინვესტორები დაესწრებიან, ისეთი კომპანიების როგორიცაა: თი-ბი-სი ბანკი, კომპანია ჯი-პი-სი, პე-ეს-პე, ბილაინი, ჯი-პი-აი, ორიენტ ლოჯიკი, თეგეტა მოტორსი, ახალი ნათება და სხვ. 

მნიშვნელოვანია ქართველი ინვესტორების ჩართულობა ინოვაციური ეკოსისტემის განვითარებაში, ეს ხელს შეუწყობს აღნიშნული სფეროს წინსვლასა და ეკონომიკური მაჩვენებლების ზრდას ქვეყანაში. ინვესტორებთან მუშაობას გუნდები პრეზენტაციების შემდეგაც ინტენსიურად გააგრძელებენ. 

ბიზნეს ინკუბატორის 1 წლიანი პროგრამა სტარტაპებისათვის რამდენიმე ეტაპს მოიცავს. პირველი სამი თვის განმავლობაში გუნდები პროტოტიპის შექმნაზე მუშაობენ, პროექტის დაწყებიდან 6 თვის შემდეგ მათ უკვე შედგენილი ბიზნეს გეგმა, ბიზნეს მოდელი და ფინანსური პროგნოზები აქვთ, ხოლო ბოლო ეტაპი ინვესტორების მოძიებას, დაინტერესებასა და შეთანხმებას გულისხმობს. აღნიშნულ პროცესების სწორად წარმართვას საქართველოს ინოვაციებისა და ტექნოლოგიების სააგენტო საქპატენტთან, დელოიტთან და მართვის აკადემიასთან ერთად ახორციელებს. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე

რიკოთზე ავარიას 2 ადამიანი ემსხვერპლა, დაშავდა ბავშვი

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ