მოსულში "ისლამური სახელმწიფოს" მებრძოლებმა ბოლო 2 დღის განმავლობაში 15 ბავშვი მოკლეს, - ამის შესახებ ადგილობრივი მედია ერაყის შეიარაღებული ძალების ოფიცერზე დაყრდნობით იუწყება.

მედია საშუალების ცნობით, ბავშვები მშობლებთან ერთად მოსულიდან გაქცევას ცდილობდნენ, როდესაც მათ ტერორისტებმა ცეცხლი გაუხსნეს. არსებული ინფორმაციით, ჯიჰადისტები სიკვდილით დასჯით ემუქრებიან მოსულში დარჩენილ მშვიდობიან მცხოვრებლებს, თუკი ისინი ქალაქის დატოვებას ეცდებიან.

ორგანიზაცია “წითელი ნახევარმთვარის” მონაცემებით, ბოლო 2 დღის განმავლობაში მოსულის აღმოსავლეთ და ჩრდილოეთ რაიონები 2 000-ზე მეტმა ადამიანმა დატოვა.

შეგახსენებთ, რომ მოსულის შტურმი ერაყის შეიარაღებულმა ძალებმა 17 ოქტომბერს დაიწყეს. მათ საჰაერო მხარდაჭერას აშშ-ის ხელმძღვანელობით მოქმედი საერთაშორისო კოალიცია უწევს.

ცნობისთვის, "ისლამურმა სახელმწიფომ" ქალაქი მოსული 2014 წელს დაიკავა. იმ დროისთვის ქალაქში 2 მილიონი ადამიანი ცხოვრობდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NYT: ტრამპი აპირებს, თურქეთისთვის ამერიკული F-35 გამანადგურებლების მიყიდვის ნებართვა მისცეს

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა