სასჯელაღსრულებისა და პრობაციის მინისტრობის კანდიდატმა კახა კახიშვილმა პარლამენტს აღკვეთის ღონისძიების ახალი სისტემის - წინასააღკვეთო პრობაციის შემოღება შესთავაზა, - ამის შესახებ კახიშვილმა კომიტეტის სხდომაზე განაცხადა.

მინისტრობის კანდიდატის განმარტებით, დღეს  მხოლოდ მხოლოდ ორი აღკვეთის ღონისძიების სახე გამოიყენება, ესენია პატიმრობა და გირაოთი გათავისუფლება. 

"ჩვენ ვმუშაობთ აღკვეთის ღონისძიების ახალ ფორმაზე. ეს არის შინაპატიმრობა და საპრობაციო აღკვეთის ღონისძიება. პრაქტიკის ანალიზმა ცხადყო, რომ სისხლის სამართლის საპროცესო კოდექსში მხოლოდ ორი ეფექტური აღკვეთის ღონისძიების სახეა, რომელიც გამოიყენება სასამართლოს მიერ - გირაო და პატიმრობა, აქედან გამომდინარე, სხვა ალტერნატიული, უფრო მეტად ეფექტური აღკვეთის ღონისძიების არ არსებობის შემთხვევაში ძირითადად გამოიყენება პატიმრობა, ამიტომ შორს წავედით და შევთავაზებთ საქართველოს პარლამენტს წინასააღკვეთო პრობაციის შემოღებას, იმისთვის რომ შევამციროთ წინასწარ პატიმრობაში მყოფი ადამიანების რაოდენობა.

ამასთან, ჩვენ ვცვლით ადმინისტრაციული პატიმრობის ვადებს. დღეს ეს ვადები არის 90 დღე მაღალი რისკისთვის და 60 დღე საშუალო რისკისთვის. შესაბამისად მაღალი რისკის მქონე პირებისთვის, 90-დან 60 დღემდე, ხოლო საშუალო რისკის ბრალდებულებისთვის 60-დან 30 დღემდე დავაწესებთ, რა თქმა უნდა იმ შემთხვევაში თუ პარლამენტი მხარს დაგვიჭერს", - განაცხადა კახიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა