საქართველოს პრეზიდენტის საპარლამენტო მდივანი ანა დოლიძე საქართველოს IT ინოვაციების მე-9 რეგიონული კონფერენციის დახურვას დაესწრო, რომელიც იუსტიციის სამინისტროს მონაცემთა გაცვლის სააგენტოს ორგანიზებით გაიმართა.

პრეზიდენტის ადმინისტრაციის პრესსამსახურის ინფორმაციით, ყოველწლიური კონფერენცია საჯარო და კერძო სექტორში ახალი ტექნელოგიების და ახალი გამოგონებების მიმოხილვას მიეძღვნა და განსაკუთრებული ყურადღება გამახვილდა ელექტრონული მმართველობის განვითარების საკითხებზე, კიბერ და ინფორმაციული უსაფრთხოების პროექტებზე.

ასევე, კონფერენციაში მონაწილეებმა წარმოადგინეს წლის განმავლობაში შემუშავებული ინოვაციური IT პროექტები.

ანა დოლიძემ კონფერენციის მონაწილე თავდაცვის სამინისტროს გუნდს მათ  მიერ შემუშავებული პროექტისათვის მადლობა გადაუხადა და პრეზიდენტის წერილი გადასცა.

,,პრეზიდენტის სახელით გვინდა მადლობა გადავუხადოთ საქართველოს თავდაცვის სამინისტროს გუნდს, რომელმაც  ახალი კომპიუტერული პროგრამა შეიმუშავა. წელს მათ შექმნეს ახალი პროგრამა, რომელიც აუმჯობესებს და უფრო  ეფექტურს ხდის დოკუმენტების ბრუნვას თავდაცვის სამინისტროში. საბოლოო ჯამში,  კი,  ეს რა თქმა უნდა, აუმჯობესებს და ხელს უწყობს ჩვენი ქვეყნის უსაფრთხოებას. ამიტომ ჩვენ გვინდა ხაზი გავუსვათ ამ მცდელობას თავდაცვის სამინისტროდან", - აღნიშნა პრეზიდენტის საპარლამენტო მდივანმა ანა დოლიძემ.

წლევანდელი კონფერენცია რეკორდული რაოდენობის სტუმარს მასპინძლობდა. მის მუშაობაში მსოფლიოს 20-ზე მეტი ქვეყნის 500-ზე მეტი წარმომადგენელი მონაწილეობდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ თავდაცვის მინისტრი თანამდებობიდან გადააყენა - ამას პროტესტი მოჰყვა

ვოლსკი: მაკა ბოჭორიშვილის ვაშინგტონში მიწვევა სერიოზული დასტურია, რომ საქართველოსთან თანამშრომლობა საგანგებოდ მნიშვნელოვანია

ირანის შეიარაღებული ძალების გაერთიანებული სარდლობა - აშშ-ის მიერ ჰორმუზის სრუტეში ჩარევას არ დავუშვებთ

მილიარდერები რუსეთიდან თავიანთი ფულის გატანას ჩქარობენ, რადგან სამხედრო ბიუჯეტისთვის კონფისკაციის შიში აქვთ