ცენტრალური საარჩევნო კომისიის თავმჯდომარის თამარ ჟვანიას განცხადებით, ჯიხაშკარის 79-ე უბანზე ნასვამ მდგომარეობაშიმ მყოფი უცხო პირები შევარდნენ და უბანი დაარბიეს.

„რაც შეეხება ზუგდიდის 79- ე და 108-ე უბნებთან დაკავშირებით შემთხვევებს, მინდა დიდი წუხილი გამოვთქვა ამ საკითხთან დაკავშირებით, ვინაიდან ვადასტურებთ, რომ ამ უბნებზე მოხდა სერიოზული ფიზიკური დაპირისპირება, როგორც 79-ე , ისე 108 უბნიდან გვაქვს ინფორმაცია, რომ ნასვამი უცხო პირები, რომლის ვინაობაც ჩვენთვის უცნობია, შევარდნენ უბანში, გამოაძევეს იქიდან კომისიის წევრები და დაარბიეს უბანი, დალეწეს ინვენტარი და და საშუალება იმისათვის, რომ ხმის დათვლის პროცესი გაგრძელებულიყო, არ არსებობს. საქმის კურსში ჩავაყენეთ პოლიციის შესაბამისი უწყება, შსს“,-განაცხადა ჟვანიამ.

მისივე თქმით, სამწუხაროა, რომ ორ უბანზე ნასვამ მდგომარეობაში მყოფი უცხო პირების შესვლის გამო, ამომრჩევლის ნებას საფრთხე დაემუქრა.

„რაც შეეხება ქუთაისს, ჩვენ გვქონდა ინფორმაცია კონკრეტულად ერთ უბანზე, როცა მოხდა დაპირისპირება, თუმცა ადილზევე აღმოიფხვრა და უბანზე შიგნით რაიმე ზეგვალენა არ მოუხდენია.იმედი მაქვს, როგორც საარჩევნო სუბიექტები, ისე მათი მხარდამჭერები,წინასწარი შედეგების მიუხედავად, მისცემენ საზოგადოებას და საარჩევნო ადმინისტრაციას, მშვიდ გარემოში დასრულდეს არჩევნები“,-აღნიშნა თამარ ჟვანიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რეჟიმი სუს-ის იუბილის აღსანიშნავად 80 ათას ლარს უტენდეროდ დახარჯავს

საქართველოში 90 ადამიანი პოლიტიკური პატიმარია

7-8 საათის განმავლობაში თბილისში თვის ნორმაზე 1.5-ჯერ მეტი ნალექი მოვიდა – სააგენტო

გახარია: ოკუპაცია არ შეიძლება გახდეს ვაჭრობის საგანი და ანექსია - ნორმა