ივანიშვილი: "ქართული ოცნების" მიმართ კრიტიკას არ შევასუსტებ

2016-10-03 13:43:43, 651 ნახვა

პოლიტიკა

მე ვიქნები ყველაზე მეტად კრიტიკული. არცერთ შემთხვევაში ანალიზს არ შევასუსტებ და კრიტიკა არ მოაკლდება "ქართულ ოცნებას",- ამის შესახებ საქართველოს ყოფილმა პრემიერ-მინისტრმა, ბიძინა ივანიშვილმა რეგიონულ მედიასთან დასკვნით შეხვედრაზე განაცხადა.

როგორც ყოფილმა პრემიერმა აღნიშნა, არავის აპატიებს სტანდარტების დარღვევას.

"გარწმუნებთ, რომ ამ ოთხი წლის განმავლობაშიც ყველაზე მეტს მე ვაკრიტიკებდი. იმ სტანდარტების დაცვაში, რაც გუნდმა დაიცვა, ჩემი არსებობის წვლილი არსებობს. რამეთუ, მშვენივრად იციან, არცერთ შემთხვევაში არავის ვაპატიებ სტანდარტების დარღვევას. რა თქმა უნდა, ვიქნები კრიტიკულად განწყობილი. გუნდის წევრებმა, კოალიციის წევრაბმა ძალიან კარგად იცოდნენ, რომ არც არავის ვაპატიებდი და არც თვალს დავხუჭავდი. იმ სტანდარტების დაცვაში გარკვეული წვლილი მაქვს იმიტომ, რომ კრიტიკული პოზიცია მეჭირა",- განაცხადა ივანიშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან