ვერ ვიტყოდი, რომ მარტო დარჩენილი ბურჭულაძე ვინმეს კონკურენტია, ბურჭულაძე ფაქტობრივად აღარ დარჩა, მას ჩამოაჭრეს კიდურები, დაკარგა სახე, - ამის შესახებ "თავისუფალი დემოკრატების“ წევრმა გია ცაგარეიშვილმა „გირჩის“ მიერ პაატა ბურჭულის პარტიის დატოვებასთან დაკავშირებით განაცხადა. 

ცაგარეიშვილის თქმით, ბურჭულაძის კოალიცია ქართველ ამომრჩეველს მხოლოდ თაღლითურ სქემას სთავაზობდა. 

„როგორც კოალიციის ყოფილი წევრები საუბრობენ, ფული, ფული და ფულია მთავარი შემკვრელი ამ ადამიანების, მხოლოდ მატერიალური სიკეთეები და თაღლითური სქემა, რომელიც შესთავაზეს ქართულ ამომრჩეველს, და ამის უკან არაფერი არ იდგა. ყველაფერი ჩაიფუშა, დასრულდა და დარჩა კუპიურები ამ კოალიციის გამოსახატავად ჩვენს მეხსიერებაში”, - განაცხადა ჟურნალისტებთან გია ცაგარეიშვილმა.

მისი თქმით, „თავისუფალი დემოკრატების“ მთავარი ამოცანა არჩევნებში წარმატების მოპოვებაა.

„ჩვენი მთავარი კონკურენტი არის იმედგაცრუება, რომელიც დაამკვიდრა ამ ხელისუფლებამ საზოგადოებაში. ეს უნდა გადავლახოთ ჩვენ, „თავისუფალმა დემოკრატებმა“. ჩვენი ამომრჩეველი საარჩევნო ყუთთან უნდა მივიყვანოთ და მოვიპოვოთ ძალიან დიდი წარმატება. დანარჩენი, ყველამ თავის თავს მიხედოს და არ დაარღვიოს საქართველოს კონსტიტუცია", - აღნიშნა ცაგარეიშვილმა.

შეგახსენებთ, რომ პარტია "გირჩმა", გაერთიანება "პაატა ბურჭულაძე - სახელმწიფო ხალსისთვის" დატოვა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ Wildberry-ზე თავდასხმას უკრაინის სამოქალაქო ინფრასტრუქტურაზე რუსეთის მიერ განხორციელებულ დარტყმებზე საპასუხოდ შეაფასა

მოსკოვისა და ტამბოვის ოლქებში მომხდარი დარტყმების შედეგად შვიდი ადამიანი დაიღუპა და 50-ზე მეტი დაშავდა

ქვრივიშვილი ჩინეთთან საქართველოს მჭიდრო სავაჭრო ურთიერთობებს ადიდებს

ქუთაისში, ჭავჭავაძის გამზირზე სავაჭრო ჯიხურები დაიწვა