პარლამენტის ადამიანის უფლებათა დაცვის კომიტეტის თავმჯდომარე ეკა ბესელიას არ მიჩანია, რომ ხელისუფლებამ ე.წ სამართლიანობის აღდგენის პროცესი დაასრულა.

„არ მიმაჩნია, რომ სამართლიანობის აღდგენის პროცესი ჩვენ დავასრულეთ, გრძელდება და  მესმის, რომ ამდენი ადამიანი დღეს ელოდება სამართლიანობის აღდგენას, იმდენად დიდია მასშტაბი დაზარალებული ადამიანების“,-აღნიშნა „ქართული ოცნების“ საბჭოს წევრმა.

„ჩვენ რომ დაგვეწყო შურისძიება და დაგვეწყო ძალიან მოკლე გზით მათთან ანგარიშსწორება, წარმოიდგინეთ ეს რა სახეს მიიღებდა. ჩვენ ვერასოდეს ვერ გამოვიდოდოთ პიროვნული, ჯგუფური გარჩევებისგან, იმიტომ, რომ თუ პროცედურას არ დავიცავდით და თუ კანონის სტანდარტებს ნაბიჯ-ნაბიჯ არ მივყვებოდით, მაშინ დაიწყებოდა პერსონალური ანგარიშსწორებები,ანუ მოკლე გზით სიარული, როგორც ეს ხდებოდა ადრე“,-აღნიშნა ბესელიამ.

ბესელიამ გაიხსენა, თუ როგორ ხდებოდა მიხეილ სააკაშვილის დროს საჯარო დაპატიმრებები და ქონების წართმევა.

„მახსოვს, როდესაც სააკაშვილი მოვიდა ხელისუფლებაში, მან დაიწყო საჯარო დაპატიმრებები და ქონების წართმევა ყაჩაღური გზით და არ არსებობდა კანონი, რომლითაც ქონებას ჩამოართმევდი ადამიანს და ფონდში გადარიცხავდი. 2004 წელს მეუბნებოდნენ, რომ ჩვენ მორალურად მართლები ვართო. შევარდნაძის რეჟიმის დროს ამ ადამიანება ფული მოიპარესო. მერე რაო, რომ კანონით ვერ ვუმტკიცებთო”,-განაცხადა ბესელიამ.

მისივე თქმით, სწორედ ამიტომ, ხელისუფლებამ არაპოპულარული გზა აირჩია, დაიწყო პროცედურების გზით საქმეების განხილვა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით